Ekesode 26:31 - MUKANDA WA MYIDI MUKULU

³¹ “Batedi benze tshilamba tshinene tshia mu mushiku wa mbelu. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Kabidi, tshikale tshizola bimfuanyi bia Bakerubine.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Enza biebe tshilulu tshinene tshia buanda bua bleu ne bukunzubile ne bukunze-kunzu ne bua lin udi mutambe buimpe utshienzeshe kudi bantu badi ne lungenyi lule badi bamanye mua kuenza tshifuanyikishi tshia bakeluba mu tshilulu atshi.

Ekesode 26:31 교차 참조

2 Kulondolola 3:14

Bavua batela kabidi tshilamba tshia buanda bua ndanda tshia kulembeleja mu mushiku wa mbelu. Tshilamba atshi tshivua mekala mashilangane: tshifikuluke, tshikunze ne tshikunzubile. Bavua bazolaku bimfuanyi bia bakerubine.

Misambu 137:5

Yerushalayime, meme mukupue muoyi, diboku dianyi dia bukole difulame!

Ekesode 25:18

Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Ekesode 25:4

bilamba bifikuluke, bikunzubile, bikunze kunzuu, bilamba bia ndanda ne bia boya bua mbuji,

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 26:32

Tshilamba atshi tshikale tshipopela ne misonsu ya tshiamu tshia mpawungi, ku makunji anayi a mitshi ya ndunga, mabuikila ne tshiamu tshia mpawungi. Makunji anayi awu, ikale mateka mu bitaku binayi bia tshiamu tshitoke tshia mushinga mukole.

Ekesode 27:16

Mu mushiku wa mbelu wa lupangu, muikale tshilamba tshia bule bua metre dikumi, tshitela ne buanda bua ndanda ne bua miosa ya nyama bufikuluke, bukunzubile ne bukunze kunzuu. Ukudike tshilamba atshi, ku makunji anayi adi pa bitaku binayi.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Ekesode 28:15

“Uteleshe tshilamba tshia kuvuala pa tshiadi, tshia pa dilumbulula. Tshilamba atshi, tshikale tshitela ne buanda bua ndanda, busambakaja ne bua miosa ya nyama bufikuluke, bukunzubile ne bukunze kunzuu. Tshikale tshitela bu tshilamba tshia efode ne buanda buengelela bu tshiamu tshia mpawungi.

Ekesode 35:12

Benze mushete wa ndondu ne mitshi ya kuelaku, ne tshibuikidiji tshiawu. Benze tshilamba tshidi tshijika mushete awu.

Ekesode 35:25

Bakaji bonsu bavua bamanye mua kutela ku bianza, kulambulabu bilamba bitela bimpe bia mishindu mishilangane: bia ndanda, bia miosa ya nyama bifikuluke, bikunzubile, nansha bikunze kunzuu.

Ekesode 35:35

Mmubapeshe bipedi bia kusonga mabue a mushinga mukole, kuzola bilamba bia miosa ya nyama, bifikuluke, bikunzubile, bikunze kunzuu, ne bia ndanda. Bobu aba ke bamanyi ba kalanda-musenga ba midimu yonsu ya bianza.

Ekesode 35:6

bilamba bia boya bua nyama bifikuluke, bikunzubile, ne bikunze kunzuu; bilamba bia ndanda, ne bia boya bua mbuji;

Ekesode 36:35

Kutelabu tshilamba tshia mushiku wa mbelu ne buanda bukole bua ndanda busambakaja ne bua miosa ya nyama bufikuluke, bukunzubile ne bukunze kunzuu. Ku tshilamba atshi bavua bazola Bakerubine.

Ekesode 36:36

Kuenzabu makunji anayi a mitshi ya ndunga. Kulamikabu tshiamu tshia mpawungi ku makunji aku. Kulembelejabu tshilamba tshia mu mushiku wa mbelu ku makunji aku ne misonsu ya tshiamu tshia mpawungi. Kuenzabu kabidi bitaku bia makunji binayi, bia tshiamu tshitoke tshia mushinga mukole.

Ekesode 36:8

Bena mudimu bavua bapite bakuabu ku lungenyi kutuadija kuasa nzubu wa tshijila. Kuangatabu bilamba dikumi bia buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Ku bilamba abi, bavua bazolaku Bakerubine.

Ekesode 38:23

Bavua bamuambuluisha kudi Okoliyabe, muana wa Akisamaka, wa mu tshisamba tshia Dane, uvua mumanye midimu mishilangane: ya kusonga mabue, ya kuzola, ya kulengeja bilamba bia miosa ya nyama bifikuluke, bikunzubile, bikunze kunzuu, kabidi ya kutela bilamba bia ndanda.

Ekesode 40:21

Moshe kuteka mushete awu muaba wa tshijila. Kulembeleja tshilamba pankatshi pa muaba wa tshijila ne muaba wa tshijila menemene, bua kujika mushete, bu muvua Maweja-Nangila muambile Moshe.

Ekesode 40:3

Batekemu mushete wa ndondu, baujika ne tshilamba tshilembeleja, bua kabaumonu kudi bantu to.

Musambu wa Solomo 7:1

— Wewe muena Shulame, nyunguluka, nyunguluka, nyunguluka kabidi, wanyishe tukutangile! — Nudi nubandila muena Shulame, padiye uja maja, bua tshinyi?

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Dibadika 4:5

Padi bena Izrayele bamuangala, Arone ne bana bende ba balume nebumushe tshilamba tshidi tshilembeleja kumpala kua muaba wa tshijila, batshibuikila pa mushete wa ndondu.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Marke 15:38

Tshilamba tshivua tshilembeleja mu nzubu wa Mvidi Mukulu kupandikatshi pankatshinkatshi biangatshile kulu too ne panshi.

Efeze 2:14

Amu Kristu ke udi mututuadile bupole, bualu mmusangishe bena Yuda, ne bantu ba bisamba bikuabu, mu tshisamba tshimue. Pavuaye mufile mubidi wende, mmupule tshimana tshivua pankatshi pabu, tshibatapulule, tshibenze bena lukuna.