Ekesode 25:21 - MUKANDA WA MYIDI MUKULU

²¹ Mu mushete awu, utekemu mabue andi nkupesha adi ajadika ndondu. Pashishe, ubuikile tshibuikidiji ku mushete aku.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Wewe neuteke tshibuikilu ha mutu ha mushete neubueshe mabue a dihungila andi nkuha mu mushete.

Ekesode 25:21 교차 참조

1 Bakalenga 8:9

Mu mushete amu, muvua anu mabue abidi avua ne mikenji. Moshe ke uvua muteke mabue awu mu mushete. Uvua muapete ku mukuna wa Sinayi pavua Maweja-Nangila utua ndondu ne bena Izrayele, mumane kubapatula mu Ejipitu.

2 Kulondolola 23:11

Pashishe, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu. Ke Yoyada ne bana bende ba balume, kuela Yowashe mafuta pa mutu bua kumujidila mu bukalenga. Nanku bantu bonsu kuela mbila, bamba ne: “Mukalenga Yowashe akuate ku mundundu!”

Ekesode 16:34

Arone kuteka dibungu adi kumpala kua mushete wa ndondu, bua kudilama bu muvua Maweja-Nangila muambile Moshe.

Ekesode 26:34

Uteke mushete wa Maweja-Nangila awu pa nkayawu muaba wa tshijila menemene. Pashishe, ubuikile tshibuikidiji.

Ekesode 30:6

Tshilambuilu atshi, utshiteke kumpala kua tshilamba tshidi tshijike mushete wa ndondu. Tshikale tshitangilangane ne mushete wa ndondu awu, muaba utuikala tumuenangana nebe.

Ekesode 40:20

Moshe kuteka mabue a mikenji dikumi mu mushete wa ndondu. Kubuejaye mitshi ku mushete, kumubuikilaye tshibuikidiji.

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Dibadika 17:4

Mutuangaji Elazare kuangata mbabula ya tshiamu tshikunze ya bantu bavua Maweja-Nangila muoshe ne muoyi. Kuenzabu nayi bitata bia kubuikila ku tshilambuilu.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Dielulula 10:5

Meme kutuluka kabidi ku mukuna, kuteka mabue awu mu mushete umvua muenze, bu muvua Maweja-Nangila mungambile. Kutuadija musangu awu, mabue adi amu mu mushete amu.