Ekesode 25:18 - MUKANDA WA MYIDI MUKULU

¹⁸ Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Enza biebe bakeluba babidi ne or mutudibue, ubateke ku matshika a tshibuikilu tshia mushete.

Ekesode 25:18 교차 참조

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

1 Kulondolola 28:18

Kulejaye bujitu bua mpawungi menemene, bua tshilambuilu tshia mulambu wa manananshi. Pashishe kumupeshaye dibeji divuaye muzole bua kuleja nuwuaye mua kufula ditempu dia tshijila, ne bakerubine benza ne tshiamu tshia mpawungi, badi babuikila mushete wa ndondu wa Maweja-Nangila ne mapuapua abu.

2 Kulondolola 3:10

Pashishe bavua bafula bakerubine babidi ne tshiamu tshiengulula. Bavua babalamika tshiamu tshia mapwungi, babateka muaba wa tshijila menemene.

Ekesode 25:17

“Pashishe, wenze tshibuikidiji tshia mushete tshia tshiamu tshia mpawungi. Bule buatshi buikale metre umue ne santimetre makumi abidi ne itanu. Butshiama buikale bua santimetre makumi muanda mutekete ne itanu.

Ekesode 25:19

Bimfuanyi bia Bakerubine bibidi abi, bikale bilamakane ne tshibuikidiji tshia mushete, etshi ku ndekelu, tshikuabu ku ndekelu.

Ekesode 25:36

Kadi, matamba onsu ne mapu, bikale anu bilamakane, kabidi bienza ne tshiamu tshia mpawungi nkayatshi.

Yezekiyele 10:2

Mvidi Mukulu kuambila muntu uvua muvuale bilamba bia buanda bua ndanda ne: — Upitshile pankatshi pa nkata idi muinshi mua bakerubine. Ambula mu bianza makala a kapia adi pankatshi pa bakerubine, uye kuatangalaja mu tshimenga. Meme kumona muntu uya kuambula makala.

Yezekiyele 10:20

Ku muelelu wa musulu wa Kebare, nkavua mumone nyama minene ayi muinshi mua Mvidi Mukulu wa Izrayele. Nanku meme kujingulula ne: mbakerubine.

Yezekiyele 10:3

Diba divuaye uya, bakerubine bavua ku luseke lua balume lua lupangu luvua lunyungulula nzubu wa Mvidi Mukulu. Kabidi divuba dia muinshi divua diuwula mu lupangu lua mu nzubu wa Mvidi Mukulu tente.

Ebrewu 9:5

Pa mutu pa mushete pavua Basherubine ba lumu, bavua baleja mpala wa Mvidi Mukulu. Mapuapua abu avua mabuikile muaba udibu bajimijila bantu mibi yabu. Kadi edi ki ndiba dia tuetu kuakula malu aa onsu ku bumue ku bumue nansha.

1 Samuele 4:4

Bena Izrayele kutuma bantu ku Silo, bua kuangata mushete wa tshijila wa Maweja-Nangila Mvidi Mukulu wa biluilu bia bena Izrayele, udi usomba pa mutu pa bakerubine. Ofni ne Pinhase, bana ba balume babidi ba mutuangaji Eli, ke bavua benda pabuipi ne mushete wa ndondu.