Ekesode 23:30 - MUKANDA WA MYIDI MUKULU

³⁰ Nembipate ku kakese ku kakese too ne panuavulangana bua nuenu kupiana ditunga.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nembihate bilulu bitulu tô ne hakakumbana ba bungi ne hanuahiana buloba.

Ekesode 23:30 교차 참조

Dielulula 7:22

Panuasemena pabuipi, yeye neipate bantu aba ku kakese ku kakese. Bualu nuenu babutule bonsu musangu umue, nyama ya tshisuku neyivulangane bua kunuluisha.

Yoshua 13:6

Nenukuate kabidi ditunga dia mikuna didi pankatshi pa Lebanone ne Misrefote-Mayime. Bena ditunga adi bonsu badi amu bena Sidone. Padi bena Izrayele basemena ku kakese ku kakese, Meme Maweja-Nangila nembumushile ku bukole bena matunga aa bonsu. Pashishe wewe Yoshuwa, newabanyine bena Izrayele ditunga mu bitupa bishilangane. Neubitshinke anu bu mumvua mukuambile.

Yoshua 23:4

Monayi mpindiewu, ndi mumane kuabanyina bisamba bienu maloba andi mutshinke. Maloba aa awa a bisamba bindi mumane kutshimuna, nansha a bisamba bitshidi bishala bua tuetu kubitshimuna. Bisamba ebi bidi pankatshi pa Yardene luseke ludi diba dipatukila, ne Mayi manene a pankatshi luseke ludi diba dibuelela.

Yoshua 23:5

Maweja-Nangila Mvidi Mukulu wenu, Yeye nkayende neipate bisamba ebi kumpala kuenu. Neabinyemeshe, panuasemena pabuipi. Nenukuate ditunga diabu, bu muvua Maweja-Nangila mumane kulaya.

Yoshua 23:9

Maweja-Nangila mmumane kunuipatshila bisamba bivua kumpala kuenu, bisamba binene, bivua kabidi ne bantu ba bukole. Nanku too ne mpindiewu, kakuena muntu nansha umue uvua mua kunupita bukole to.