Ekesode 23:24 - MUKANDA WA MYIDI MUKULU

²⁴ Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Ekesode 23:24 교차 참조

2 Bakalenga 17:11

Bavua balambula milambu miaba yonsu ya kutendelela mvidie, bu muvua bisamba bikuabu bienza, bivua Maweja-Nangila muipate, bua kushila bena Izrayele ditunga. Bena Izrayele kuenza buenzayi, kufikisha Maweja-Nangila munda.

2 Bakalenga 17:8

bidikije bilele bia bisamba bikuabu bivua Maweja-Nangila muipate bua kubashila ditunga adi. Bavua balonda kabidi bilele bivuabu babueje mu ditunga kudi bakalenga ba bena Izrayele.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 3:2

Uvua muenze malu mabi avua Maweja-Nangila mubenge. Uvua mufikishe bena Izrayele ku dienza bibi, anu bu muvua Yerobowame, muana wa Nebate, muenze. Uvua anu wenza malu mabi onsu avua Yerobowame muenze. Kadi, Yorame kavua wenza bibi bipite, bu mumve tatuende ne mamuende benza to. Bualu uvua munyangakaje dikunji dia kutendelela mvidie Baale di wa tatuende Akabe muashile mvidie awu.

2 Kulondolola 14:2

Kunyangaye bilambuilu ne miaba ivua bena ditunga batendelela mvidie ya benyi. Kupulaye mabue avuabu bimanyike. Kutshibulaye makunji a kutendelela mvidie.

2 Kulondolola 25:14

Pavua Amashiya ufuma ku mvita, mumane kutshimuna bena Edome, uvua muambule mpingu ya mvidie ya bena Edome. Kushalayi mvidie yende. Uvua uyitendelela, uyilambula milambu ya manananshi.

2 Kulondolola 33:2

Menashe uvua wenza malu avua Maweja-Nangila mubenge. Uvua muenze malu mabi onsu avua bantu ba bisamba bikuabu benza. Maweja-Nangila uvua mubipate bua bashile bena Izrayele ditunga.

2 Kulondolola 33:9

Kadi Menashe ke uvua mufikishe bena Yerushalayime, ne bena Yuda ku dienza bibi bipite bia bantu bavua kale mu ditunga adi, bavua Maweja-Nangila mubutule, bua bashile bantu bende bena Izrayele ditunga.

Misambu 101:3

Tshiena mua kuteka tshintu tshibi ku mesu kuanyi. Ndi mubenge nsombelu wa bantu babi, kena mua kundamata.

Ekesode 20:3

“Kutendeledi mvidie mikuabu to, anu meme.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 23:32

Kanumvuanganyi ne bena matunga abu. Kanutendeledi mvidie idibu batendelela.

Ekesode 23:33

Kanusombi nabu ditunga dimue, bualu badi mua kunulongesha bua nuenu kuntombokela, kutendelela mvidie yabu.”

Ekesode 32:20

Moshe kubakula lupingu lua kana ka ngombe alu, kuluosha, kuvingutukalu. Kuelaye butu abu mu mayi, kumushaye bena Izrayele mayi awu.

Yezekiyele 16:47

Kuena muidikije amu bibi bivuabu benze bobu nansha. Kuvua mulonde anu dikasa diabu dibi. Kadi uvua muenze wewe bibi bipite biabu kashidi.

Osheya 10:2

Bena Izrayele mbanyanguke too ne mu muoyi wa munda. Mpindiewu nebakenge bua buenzayi buabu. Maweja-Nangila neanyangakaje bilambuilu biabu, neashimbule mabue a tshijila.

Lewitiki 18:3

Kanulondi bibidilu bia bena ditunga dia Ejipitu dinuvua basombe, nansha bia bena ditunga dia Kenaane dindi nnupesha. Kanulondi dikasa dia bantu aba to.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 12:3

Nunyangakaje bilambuilu biabu. Nupule mabue adibu bimanyike. Nuoshe makunji a tshijila. Nushimbule mpingu ya mvidie yabu. Nukuate mudimu bua bantu kabavuluki kabidi nansha mena mene a mvidie ayi miaba yonsu ivuabu bayitendelela.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.