Ekesode 22:24 - MUKANDA WA MYIDI MUKULU

²⁴ “Pikala muntu mupela wa mu tshisamba tshianyi ukenga, wewe mumusombeshe makuta, kumulombi tshia kasombela to.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ ne tshiji tshianyi netshitambe bukole, nennushihe ne muele wa nvita, ne bakashi benu nebikale bakashi ba mu lufuila ne bana benu nebikale bana ba nshiya.

Ekesode 22:24 교차 참조

Nehemya 5:7

Mvua musue kutandisha bakulu ba ditunga, ne balombodi, bua kabikadi bakengesha bana babu bikole nanku to. Nanku, meme kubikidisha bantu bonsu mu tshisangilu.

Yobe 31:23

Bualu ndi ntshina Mvidi Mukulu udi mua kunyoka. Tshiena mua kuenza bidiye ubenga to.

Misambu 109:2

bualu bantu babi, bena dishima, badi bansonguela, badi banjana.

Misambu 109:9

Bana bende bashale bana ba nshiya, mukajende ashale mukamba!

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Misambu 69:24

Tshibua tshibatue ku mesu, kabamonyi nganda! Ubatshibule nyima kashidi.

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Misambu 90:11

Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Muadi 5:3

Batatu mbafue. Mpindiewu tudi bashale bana ba nshiya. Bamamuetu mbashale bakaji bakamba.

Lewitiki 25:35

“Padi muanenu, nansha muenyi udi mu ditunga dienu, muikale mu dikenga, kayi ne mushindu wa kukumbaja bionsu bivuaye munulaye, numuambuluishe bua asombe nenu bimpe.

Lewitiki 25:36

Kanumutatshishi bua kulomba tshia kasombela to. Nuntshine meme Maweja-Nangila. Numuambuluishe bua asombe nenu bimpe.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Luke 6:38

Nupeshe bakuabu bintu, nanku Mvidi Mukulu neanupeshe kabidi. Nebanuelele pa tshilamba bintu bipima bimpe, bishindika, bisekenkeja, biya ne panshi. Nuenzele bantu bimpe ne muoyi wa kalolu. Nanku Mvidi Mukulu neanupe mapa ende ne muoyi wa momumue.”

Dielulula 23:20

Nuenu basombeshe muanenu makuta, biakudia nansha tshintu tshikuabu, kanuena mua kumulomba tshia kasombela to.

Dielulula 23:21

Kadi nudi mua kulomba bintu bia kasombela, anu kudi muenyi udi munkatshi muenu. Kanulombi kudi muanenu. Nukumbaje mikenji eyi mu ditunga dinuakuata, bua Maweja-Nangila Mvidi Mukulu wenu anuele lupemba mu bionsu binudi nuenza.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!