Ekesode 22:23 - MUKANDA WA MYIDI MUKULU

²³ Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

Mukanda wa Nzambi Dihungila Dikulukulu ne Dihungila Dihia-dihia 2003

²³ Biwabakengesha ne biadilabo kundi, meme nengunvuile muadi wabo,

Ekesode 22:23 교차 참조

Yobe 34:28

Bu muvuabu bakengesha bakengi ne bapeta, bobu abu bavua bela mbila kudi Mvidi Mukulu, bua abambuluishe. Nanku, Mvidi Mukulu kumvua mbila ayi.

Yobe 35:9

Padi bena tshikisu babakengesha bikole, bantu badi batua mikemu. Badi bela mbila bua bantu babambuluishe.

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 140:12

Muntu udi utumpilangana malu kashadi ne muoyi mu ditunga. Diakabi dilonde muntu wa tshikisu, kadimulekedi.

Misambu 145:19

Udi witaba malomba a badi bamulamate, ubasungidila padiye umvua bamubila.

Misambu 18:6

Kandondu ka bafue kavua kasue kuya nanyi, buteyi buaku bukeba kumbakula.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Ekesode 22:27

“Kanumpendi meme Mvidi Mukulu wenu. Kanuedi mulombodi wa tshisamba tshienu tshia bena Izrayele milawu.

Muadi 5:3

Batatu mbafue. Mpindiewu tudi bashale bana ba nshiya. Bamamuetu mbashale bakaji bakamba.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Dielulula 24:15

Nufute difutu diende matuku onsu, diba kadiyi dianji kubuela to. Bualu mmupete, kabidi mmutekemene amu ku difutu adi. Nuenu kanuyi bamufute, yeye mudidile Maweja-Nangila, nenuikale bena tshibawu.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.