Ekesode 22:20 - MUKANDA WA MYIDI MUKULU

²⁰ “Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muntu udi ushihela nzambi mikuabo nyama, kayi uyishihela Yehowa nkayandi, nebamushihe yeye.

Ekesode 22:20 교차 참조

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

2 Bakalenga 10:25

Yehu mumane kulambula milambu, kutuma diyi kudi bena mvita ne bamfumu babu, ubambila ne: — Buelayi, nushipe bantu aba bonsu! Muntu nansha umue kena mua kupatuka mu nzubu emu ne muoyi to. Nanku, kushipabu bantu abu bonsu, kuimansha bitalu biabu pambelu. Pashishe, kubuelabu mu nzubu muvuabu batendelela mvidie Baale.

2 Kulondolola 15:13

Nanku, muntu yonsu, muana nansha muntu mukole, mukaji nansha mulume, uvua ubenga Maweja-Nangila Mvidi Mukulu wa Izrayele, bavua ne bua kumushipa.

Ekesode 23:9

“Kanukengeshi muenyi, bualu nudi bamanye dikenga diende, bu munuvua penu benyi mu ditunga dia Ejipitu.

Ekesode 32:8

Kabena bitabe tshimvua mubambile. Mbenze lupingu lua kana ka ngombe lua tshiamu tshia mpawungi. Badi balutuila binu, badiambula milambu, bamba ne: “Ke mvidie wetu uvua mutupatule mu Ejipitu ewu.”

Ekesode 34:15

Kanuena mua kutua ndondu ne bena ditunga dinudi nusomba to. Bualu palambabu biakudia biabu bia kuelela mvidie yabu, nebanubikile bua kudia nabu.

Yezekiyele 20:7

Meme kubela mikenji ne: muntu yonsu wa kunudi abenge mvidie ya dishima inudi nutendelela, bua kanupi mikiya pa kukukuila mvidie ya bena Ejipitu. Meme ndi Maweja-Nangila Mvidi Mukulu wenu.

Lewitiki 17:7

Nenku bena Izrayele nebalekele kulambula milambu yabu kudi mvidie ya dishima, idibu benzele mpingu mifuanangane ne mbuji ya mpumbu. Badi batendelela mvidie eyi mushindu mubi udi ukuatshisha bundu. Bena Izrayele balame mukenji ewu kashidi too ne ku ndelanganyi yabu yonsu.

Lewitiki 19:33

“Kanukengeshi muntu muenyi udi muase mu ditunga dienu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Dibadika 21:3

Maweja-Nangila kuitaba bivua bena Izrayele bamulaye, kufila bena Kenaane mu bianza biabu. Kushipabu bena Kenaane bonsu, kubutula ne bimenga biabu. Kuinyikabu muaba awu dina ne: Orma, mmomumue ne: nkabutu.

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Dielulula 23:8

Kanupepeji bena Edome, bualu mbana benu. Kanupepeji kabidi bena Ejipitu, bualu nuvua basombe mu ditunga diabu.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.