Ekesode 21:20 - MUKANDA WA MYIDI MUKULU

²⁰ “Muntu mutuute mupika wende mulume nansha mukaji ne mutshi, mumushipe musangu umue, numunyoke.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Biakuma muntu muhika wandi mulume anyi muhika wandi mukashi ne mulangala, ne biafueye mu tshianza tshiandi, nebamukengeshe bulelela.

Ekesode 21:20 교차 참조

Genese 4:15

Maweja-Nangila kumuandamuna ne: — Muntu kena ukushipa to. Muntu wakenzela bibi, nebamusombuele misangu muanda mutekete. Maweja-Nangila kuteka tshimanyinu pambidi pa Kayine bua muntu yonsu wasangila nende kamuenzedi bibi to.

Genese 4:24

Eyowa, Kayine nebamusombuele misangu muanda mutekete. Kadi Lemeke nebamusombuele misangu makumi muanda mutekete.”

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Ekesode 21:19

nansha mushale utebuka ne mutshi, wendakana pambelu, mututshianganyi awu neafute amu tshibawu, bua matuku avua mubedi mushale mu bulalu ne bua kumondapisha too ne pumvuaye bimpe.

Ekesode 21:21

Kadi pikala mupika awu mufue kunyima kua dituku dimue nansha kua matuku abidi, nebalekele mututshianganyi, bualu mbintu biende.

Nsumuinu 29:19

Kabena babela mupika ne miaku nkayayi, bualu, nansha yeye mumvue tshidibu bamuambila, kena witaba to.

Dibadika 35:19

Nanku muntu udibu bateka bua kumusombuela, papetaye mushipianganyi awu, amushipe pende.

Rome 13:4

Bualu bamfumu badi bakuatshila Mvidi Mukulu mudimu, bua kukusaka ku dienza dia malu mimpe. Kadi paudi wenza malu mabi, wabatshina! Bidi bimpe bua bamfumu bapete bumfumu bua kunyoka bantu. Ke mudibu bakuatshila Mvidi Mukulu mudimu, bua kuleja tshiji tshidiye ulekela badi benza bibi.

Dielulula 19:21

Muena tshibawu yonsu, kanumufuidi luse to. Mumusombuele pende: padiye mushipangane, numushipe pende. Padiye mushipe muntu disu, numushipe diende. Padiye mupole muntu dinu, numupole diende. Padiye mukose muntu tshianza nansha dikasa, numukose pende.