Ekesode 21:1 - MUKANDA WA MYIDI MUKULU

¹ — Mikenji mikuabu iudi mua kuambila bena Izrayele idi nunku:

Mukanda wa Nzambi Dihungila Dikulukulu ne Dihungila Dihia-dihia 2003

¹ Ei idi mikenji ludi mua kuteka ku mpala kuabo.

Ekesode 21:1 교차 참조

1 Bakalenga 6:12

— Bu muudi ungibakila nzubu ewu, wewe mukumbaje mikenji yanyi, mukumbaje miaku imvua mukuambile, mutumikile meyi anyi onsu, nenku nenkumbaje dilaya dimvua mulaye tatuebe Davide bualu buebe.

2 Kulondolola 19:10

Padi bana benu bandumbulula bafuma mu bimenga bidibu basombe, banulomba meji bua bualu bua dishipangana, nansha bua malu makuabu adi atangila meyi, mikenji ne mikandu, nubumvuije mushindu udibi. Nanku bantu abu, kabakuenzela Maweja-Nangila bibi to. Nuenze mundi munuambile emu bua kanuikadi bena tshibawu.

Nehemya 10:29

Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Ekesode 19:7

Moshe kutuluka ku mukuna, kupingana mu mitanda, kubikidisha bakulu ba bena Izrayele, kubambila bionsu bivua Maweja-Nangila mumuambile.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.

Yezekiyele 20:25

Meme kubapesha kabidi mikenji, kadi kayivua mibenzele bimpe to. Mvua mubapeshe meyi avua kaayi abapesha muoyi.

Lewitiki 18:26

“Kadi nuenu bena Izrayele too ne benyi badi munkatshi muenu, nulonde mikenji yanyi ne meyi anyi bindi nnupesha. Kanuenji malu mabi aa to.

Lewitiki 18:5

“Nulame mikenji yanyi ne meyi anyi. Muntu udi ubikumbaja, nebimupeteshe muoyi. Bualu ndi Maweja-Nangila.

Lewitiki 19:37

“Nulame meyi anyi ne mikenji yanyi bimpe. Bualu meme ndi Maweja-Nangila.”

Lewitiki 20:22

Maweja-Nangila kuamba kabidi ne: “Nulame meyi anyi ne mikenji yanyi bimpe, nuyilonde. Nanku ditunga dindi nnupa bua kusomba, kadiakunubipilato.

Dibadika 35:24

bena Izrayele nebakose tshilumbu etshi bimpe, bilondeshile mikenji idi itangila muntu udi ushipangana mu mpukapuka, ne musombuedianganyi wende.

Dibadika 36:13

Mikenji eyi, ke ivua Maweja-Nangila muambile Moshe bua kumanyisha bena Izrayele, bavua mu mpata ya Mowabe, dishiya dia musulu wa Yardene, mitangilangane ne Yeriko.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Dielulula 15:12

Pikala muanenu muena Ebrewu, mulume nansha mukaji, musue kudisumbisha bu mupika kuudi, akukuatshile mudimu anu bidimu bisambombu. Kadi tshidimu tshia muanda mutekete, neumulekele, aye.

Dielulula 4:14

Musangu awu, Maweja-Nangila kungambila, bua meme kunulongesha meyi ne mikenji yonsu bua nuenu kubikumbaja, panuakuata ditunga dia Kenaane.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Dielulula 6:20

Dituku dikuabu, padi bana benu banukonka ne: “Maweja-Nangila, Mvidi Mukulu wetu, mmunuelele meyi ne mikenji ebi bua tshinyi?”

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.