Ekesode 20:8 - MUKANDA WA MYIDI MUKULU

⁸ “Uwluke dituku dia Dikisha, udinemeke, bualu ndia tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Uvuluke dituku dia Lumingu, udijidile.

Ekesode 20:8 교차 참조

Genese 2:2

Mvidi Mukulu mumane kujikija mudimu uvuaye muenze, kuikishaye dituku dia muanda muteketa.

Genese 2:3

Dituku dia muanda muteketa kushala diende dia tshijila, bualu ndituku divuaye muikishe kunyima kua midimu yende ya Mufuki.

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Nehemya 9:14

Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.

Ekesode 23:12

“Nuenze midimu yenu matuku asambombu. Kadi nuikishe dituku dia muanda mutekete, bua bapika benu ne benyi benu badi banukuatshila mudimu bamone mua kuikisha, kabidi bua nyama yenu ya mpunde ne ya ngombe imone mua kuikisha payi.

Ekesode 31:12

Maweja-Nangila kuambila Moshe ne:

Ekesode 35:1

Moshe kubikila bena Izrayele bonsu, kubambila ne: — Telejayi mikenji idi Maweja-Nangila mutume bua nuenu kukumbaja:

Yeshaya 56:2

Muntu udi wenza bindi ngamba, udi ulama bimpe mikenji yanyi, unemeka bimpe dituku dia Dikisha, kayi wenza bualu bubi nansha bumue, ngwa diakalenga!”

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Yirmeya 17:21

Panudi basue kushala ne muoyi, dituku dia Dikisha ka-nuambudi bujitu. Kanuena mua kupitshila nabu ku biibi ebi.

Yirmeya 17:22

Dituku adi kanuena mua kupatula bintu mu nzubu yenu. Kanuena mua kuenza mudimu. Bualu dituku adi ndianyi meme, bu mumvua muambile bankambua benu.

Yirmeya 17:24

“Meme Maweja-Nangila ndi ngamba ne: Nuenu bonsu nunteleje bimpe. Dituku dia Dikisha kanupitshidi ne bujitu ku biibi bia bimenga. Nunemeke dituku edi, dikale dianyi meme. Midimu yonsu ipumbe.

Yezekiyele 20:20

Nujidile dituku dianyi dia Dikisha bua kuleja mutudi batue nenu ndondu, ne bua nuenu kuvuluka ne: meme ndi Maweja-Nangila Mvidi Mukulu wenu.

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Lewitiki 19:30

Nuikishe dituku dia Dikisha, nunemeke muaba wanyi wa tshijila. Bualu meme ndi Maweja-Nangila.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Lewitiki 26:2

“Nuikishe dituku dia Dikisha. Nunemeke muaba wanyi wa tshijila. Bualu ndi Maweja-Nangila.

Dibadika 15:32

Matuku avua bena Izrayele mu tshipela, kusanganabu muntu wangula nkunyi dituku dia Dikisha.

Dielulula 5:12

“Nuvuluke Dituku dia Dikisha, nudinemeke, bualu ndia tshijila, bu mumvua munuambile.