Ekesode 20:24 - MUKANDA WA MYIDI MUKULU

²⁴ Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nungashile tshishihelu tshia buloba, nufile ha mutu hatshi milambu ya kuosha, ne milambu ya kuvuisha nʼai ditalala, ne mikoko yenu ne ngombe yenu, ku miaba yonso kundi nnuvuluisha dina dianyi, nendue kunudi, nennusankishe.

Ekesode 20:24 교차 참조

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

2 Samuele 6:12

Kuambilabu Davide ne: Maweja-Nangila mmuela Obede-Edome lupemba mu bionsu bidiye wenza, bualu bua mushete wa tshijila. Nanku Davide ne tshisumbu tshia bantu tshivuaye natshi, kuya kua Obede-Edome bua kuangata mushete, kuya nawu mu Tshimenga tshia Davide ne luendu lua disanka.

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 5:17

Namane kumuambila kabidi ne: — Bu muudi ubenga bionsu bindi mukutuadile, anyisha ngambule buloba bua mu ditunga diebe, bukumbane mua kuambulabu kudi nyama ibidi ya mpunde. Bualu tshitshiena musue kulambula mvidie mikuabu milambu ya diosha nansha ya bobumue to, anu Mvidi Mukulu wa bena Izrayele.

2 Kulondolola 12:13

Mamuende wa mukalenga Robowame uvua Naama wa bena Amone. Robowame kushala mukalenga mu Yerushalayime, kushindika bukalenga buende. Uvua ne bidimu makumi anayi ne tshimue, pavuaye mubuele mu bukalenga bua bena Yuda. Uvua mushale mu bukalenga mu Yerushalayime bidimu dikumi ne muanda mutekete. Bualu ke tshimenga tshivua Maweja-Nangila musungule mu buloba bua bena Izrayele bua kusomba munkatshi mua bantu bende.

2 Kulondolola 6:6

Kadi mpindiewu, ndi musungule Yerushalayime bua nuenu kuntendelelamu. Meme kukusungula wewe Davide bua kulombola bantu banyi.”

2 Kulondolola 7:16

Ndi musungule nzubu ewu, mumujidile bua meme kuikala munkatshi muenu kashidi. Nennutabalele kashidi, amu ne muoyi wa kunuenzela bimpe.

Ezela 6:12

Mvidi Mukulu udi musombe mu Yerushalayime, bua bantu bamutendelelemu, anyoke mukalenga yonsu nansha tshisamba tshionsu tshidi tshikeba mua kunyanga nzubu wa Mvidi Mukulu, tshibenga meyi anyi aa. Meme Daryaveshe ke udi utuma diyi awu. Batumikile diyi edi, anu mundi muambe amu!”

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Misambu 122:2

Yerushalayime, makasa etu mmafike ku nzubu kuebe.

Misambu 128:5

Maweja-Nangila akuele lupemba, biangatshile bu nzubu wende mu Siyone! Umone disanka dia mu Yerushalayime, pautshidi ne muoyi!

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Misambu 74:7

Bavua bosha nzubu webe wa tshijila, bamupula panshi, bamupisha mikiya.

Misambu 76:2

Mvidi Mukulu mmudimanyishe mu Yuda. Dina diende nditumbe mu Izrayele.

Misambu 78:68

kadi kusungulaye tshisamba tshia Yuda, ke mukuna wa Siyone uvuaye munange.

Ekesode 10:25

Moshe kumukonka ne: — Wewe neutupe bimuna bitudi mua kuya kuosha bua kulambula Maweja-Nangila Mvidi Mukulu wetu anyi?

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Ekesode 20:25

Nanku, panuasua kungashila tshilambuilu tshia mabue, mabue awu ikale anu majima. Kanuena mua kuasonga ne biamu to. Bualu panudi nualenga ne biamu bienu bia bantu, kaena andengelela kabidi to.

Ekesode 24:4

Moshe kufunda meyi onsu a Maweja-Nangila mu mukanda. Kujukaye dinda dionsu, kuasaye tshilambuilu kuinshi kua mukuna. Kujulaye kabidi makunji a mabue manene dikumi ne abidi. Tshisamba tshionsu tshia bena Izrayele tshivua ne dikunji diatshi.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Ekesode 27:1

“Pashishe, wenze tshilambuilu tshia mabaya a mitshi ya ndunga tshia kuoshila milambu. Tshikale ne metre abidi ne tshitupa nseke yatshi yonsu. Butumbuke buatshi buikale metre umue ne tshitupa.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Lewitiki 17:9

udi ne bua kulambuila nyama awu ku mushiku wa ntenta wa kusambakena. Yeye kayi muenze nanku, nebamuipate mu bena Izrayele.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Matayi 18:20

Bualu, muaba udi bantu babidi nansha basatu badisangisha mu dina dianyi, meme ndi munkatshi muabu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:21

Panuikala kanuyi pabuipi ne muaba wikale Maweja-Nangila Mvidi Mukulu wenu musungule bua yeye kusomba, nudi mua kushipa bimuna bidiye munupe: ngombe, mikoku, mbuji, kudia munyinyi miaba yonsu inudi basombe. Kadi mwuluke anu mikenji indi mumane kunuambila.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 7:13

Nanku panuafika mu ditunga didi Maweja-Nangila munupe, divuaye mulaye bankambua benu, bu mudiye mununange, Yeye neanusankishe. Nenulele bana ba bungi. Nenuikale ne bintu bipite bungi: ntete ya kuenza bukula, mvinyo, mafuta, ngombe, mikoku ne mbuji.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.