Ekesode 20:17 - MUKANDA WA MYIDI MUKULU

¹⁷ “Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kukuna mutshima webe ku nsubu wa mukuenu, kukumi mutshima webe ku mukashi wa mukuenu anyi ku muntu wandi mulume anyi ku muntu wandi mukashi anyi ku ngombe wandi anyi ku mpunda wandi anyi ku tshintu tshionso tshia mukuenu.

Ekesode 20:17 교차 참조

Genese 14:23

Tshiena mua kulenga kantu ka ku bianza biebe, nansha buanda, nansha nshinga wa bisabata, bualu udi mua kuamba ne: “Meme ke udi munemeshe Abrame.”

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Genese 34:23

Tuetu benze nanku, nebasombe mu ditunga dietu. Nanku bimuna ne bintu bionsu bidibu nabi nebishale bietu.

Yobe 31:1

Meme ne: tshiena mua kutangila nsongakaji, nansha kumualakana.

Yobe 31:9

Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Misambu 119:36

Tangija muoyi wanyi ku mikenji yebe, kuutangiji ku biuma.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Nsumuinu 6:29

Ke mudi muntu, udi ubuelela mukaji wa bende mu nzubu, upia tshibawu.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yirmeya 5:8

Badi bu nyama midiunde ya tubalu milume, tshikondu tshidiyi ikeba nyama mikaji. Bonsu badi bakekemena, babikila mukajabende.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Mika 2:2

Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Bienzedi 5:4

Bangabanga budimi ebu buvua buebe. Wewe mumane kubupana, lupetu luabu luvua amu luebe. Kadi udi mushindike bua kuenza bualu ebu bubi bua tshinyi? Kuena mudinge bantu to, udi mudinge Mvidi Mukulu.

Rome 13:9

Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

1 Korente 6:10

bivi, bena lukuka lua biuma, bakuatshiki ba maluvu, banyangi ba lumu lua bende, ne bantu badi banyenga bantu bintu ku bukole, kabakupeta muaba mu Bukalenga bua Mvidi Mukulu.

Efeze 5:3

Nuenu nudi bena tshisamba tshia Mvidi Mukulu. Nanku munkatshi muenu kabatedi, nansha amu kutela mene, buendenda, buenzavi, nansha lukuka lua biuma.

Efeze 5:5

Numanye bimpe ne: bena buendenda, bena buenzavi, nansha bena bukonkotu, kabena mua kubuela mu Bukalenga bua Kristu, ne bua Mvidi Mukulu. (Nansha muena bukonkotu udi amu muntu udi utendelela mvidie).

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yoshua 7:21

mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?