Ekesode 19:9 - MUKANDA WA MYIDI MUKULU

⁹ Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wakambila Mose ne, Mona, ndi mulue kudi mu ditutu difike, bua bantu bunvue hanayikila nʼebe, bobo bitabushe di diebe tshiendelele. Mose wakamanyisha Yehowa mei a bantu.

Ekesode 19:9 교차 참조

1 Bakalenga 8:12

Ke Shelomu kuela lubila ne: “Maweja-Nangila uvua mumane kuamba ne: ndi nsomba mu midima.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

2 Kulondolola 6:1

Ke Shelomu kuela diyi ne: “Maweja-Nangila, wewe uvua musue kusomba muaba wa midima!

Misambu 97:2

Dituku ne miidima bidi bimunyungulukila. Buakane ne dikosa dia nsambu, ke bidi bishindika bukalenga buende.

Misambu 99:7

Mvidi Mukulu uvua ubambila meyi ende mu dikunji dia muinshi, bavua batumikila meyi ende ne mikenji ya nsombelu muakane bivuaye ubelela.

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 20:21

Bantu bonsu bavua bimanyine pa bule. Anu Moshe nkayende ke uvua musemene pabuipi ne divuba difike, muaba uvua Mvidi Mukulu.

Ekesode 34:5

Nanku, Maweja-Nangila kupueka mu divuba dia kapia, kuimanaye pamue ne Moshe, kudisamunaye nkayende dina diende dia “Maweja-Nangila”.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Dibadika 12:5

Maweja-Nangila kupueka mu divuba, kuimana mu mushiku wa ntenta. Kubikilaye Arone ne Miriyame muaba awu. Bonsu babidi kusemena pabuipi.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Marke 9:7

Divuba kubabuikila, diyi kumvuika mu divuba ne: — Ewu ke muananyi undi munange, numuteleje!

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.