Ekesode 19:17 - MUKANDA WA MYIDI MUKULU

¹⁷ Moshe kumuka ne bantu mu mitanda kusemena ku mukuna bua kumonangana ne Mvidi Mukulu. Kuimanyinabu pa bule kuinshi kua mukuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mose wakaluhuka mu tshitudilu ne bantu bua kusangakena ne Nzambi, bobo bakimana kuinshi kua mukuna.

Ekesode 19:17 교차 참조

Ekesode 19:13

Muntu nansha nyama wasemena pabuipi ne mukuna, bua kumushipa, kabamulengi pambidi to, bamuase mabue nansha mikete. Amu pelabu mpungi, bamue bantu nebasemene ku mukuna.

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Lewitiki 9:5

Nanku bionsu bivua Moshe muambe, kubifidilabu mu mushiku wa ntenta wa kusambakena. Pashishe bena Izrayele bonsu kuya kuimana muaba awu bua kutendelela Maweja-Nangila.

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Dielulula 4:11

Nuenu kusemena kuinshi kua mukuna. Ke kuvua ndimi ya kapia ilakuka, iya mulu, yenza mavuba a muinshi mufike.

Dielulula 5:5

Musangu awu, meme Moshe mvua muimane pankatshi penu ne Maweja-Nangila, bua kunumanyisha bionsu bivuaye wamba. Kanuvua basue kubanda ku mukuna to, bualu nuvua nutshina kapia aku. Ke Maweja-Nangila kunuambila ne: