Ekesode 18:12 - MUKANDA WA MYIDI MUKULU

¹² Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yetelo, tatu-muenu wa Mose, wakoshila Nzambi nyama ya mulambu, ne Alona ne bakulu ba Bena Isalele bakalua kudia bidia ne tatu-muenu wa Mose ku mesu kua Nzambi.

Ekesode 18:12 교차 참조

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 26:25

Izake kuenza tshilambuilu, kutendelela Mvidi Mukulu, utela dina dia Maweja-Nangila. Kuibakaye ntenta yende. Bena mudimu bende kumbula tshiina tshia mayi tshikuabu.

Genese 26:30

Izake kubalongoluela biakudia. Kudiabu, kunuabu.

Genese 31:54

Yakobe kulambula Mvidi Mukulu mulambu ku mukuna aku, kubikila bana babu bua kudiabu kaba kamue. Pashishe kulalabu ku mukuna aku.

Genese 4:4

Ebele pende kumulambula banabute ba mikoku mimpe ya mafuta. Maweja-Nangila kuanyisha milambu ya Ebele,

Genese 43:25

Bana ba Yakobe bamona nanku, kudianjilabu kulongolola bintu bivuabu batuadile Yozefe. Bualu bavua bumvue ne: neafike mu munya bua kudia netu.

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Kulondolola 30:22

Izkiya kukolesha bena Levi ku muoyi, bualu bavua bakuatshila Maweja-Nangila mudimu muabu muonsu. Lumingu lujima bantu bavua badia pamue biakudia bia tshibilu, balambula milambu ya bobumue, batumbisha Maweja-Nangila, Mvidi Mukulu wa bankambua babu.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Yobe 42:11

Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Yobe 42:8

Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Ekesode 18:13

Butshia dinda, Moshe kusomba bua kumvua bilumbu bia bantu. Bantu bavua amu bimane kumpala kuende too ne ku dilolu.

Ekesode 2:16

Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.

Ekesode 2:20

Yetro kuebeja bana bende ba bakaji ne: — Kadi muntu awu wepi? Nuamushiyi bua tshinyi? Mubikilayi bua tudie nende.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Ekesode 24:11

Bakulu ba bena Izrayele bamane kumona Mvidi Mukulu nanku, kudiabu, kunuabu pamue. Kadi Mvidi Mukulu kena muenzele bakulu ba bena Izrayele abu bibi to.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Ekesode 33:7

Bamane kuasa mitanda, Moshe kumusha nzubu wa ntenta wa tshijila uvua munkatshi mua bantu, kumuasaye ku luseke, mutantshi mule ne muaba uvua bantu basombele. Kumuinyikaye dina ne: “Ntenta wa kusambakena”. Bavua basue kumonangana ne Maweja-Nangila, bavua bumuka mu mitanda yabu, baye mu ntenta ewu bua kuyukila ne Maweja-Nangila.

Danyele 10:3

Tshivua ndia biakudia bisheme, tshivua ndia munyinyi, tshivua nnua maluvu, tshivua ndibeyesha nsuki, too ne pakajika mbingu isatu ayi.

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Luke 14:1

Dituku dikuabu dia Dikisha, Yezu uvua muye kua mfumu kampanda wa Baparushe bua kudia. Bantu bavua muaba awu bavua bamujoja bikole.

Luke 14:15

Yezu mumane kuakula nanku, umue wa ku bantu bavua nende ku mesa kumuambila ne: — Muntu waya kudia mu Bukalenga bua Mvidi Mukulu mmuena diakalenga!

1 Korente 10:18

Tangilayi bena Izrayele: badi badia bidi bantu balambula, badi badisanga ne Mvidi Mukulu udibu balambula bintu abi.

1 Korente 10:21

Kanuena mua kunuina mu dikopu dia Mfumu, kunuina kabidi mu dikopu dia mikishi mibi. Kanuena mua kudila ku mesa a Mfumu, kudila kabidi ku mesa a mikishi mibi nansha.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 27:7

Numulambule kabidi milambu ya bobumue, nuyidile muaba awu ne disanka kumpala kua Maweja-Nangila Mvidi Mukulu wenu.