Ekesode 17:14 - MUKANDA WA MYIDI MUKULU

¹⁴ Maweja-Nangila kuambila Moshe ne: — Funda bualu ebu mu mukanda, bua bantu babuvuluke. Umanyishe Yoshuwa ne: meme nembutule bena Amaleke bonsu. Muntu nansha umue kakubavuluka kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakambila Mose ne, Ufunde bualu ebu mu mukauda bu tshivulukidi, ububadile mu matshu a Yoshua ne, Meme nenjimishe tshivulukidi tshia Amaleka muinshi mua diulu.

Ekesode 17:14 교차 참조

2 Samuele 1:1

Davide mumane kutshimuna bena Amaleke, kuyaye kusombela mu tshimenga tshia Siklaje. Diba adi, Shawule ukavua mumane kufua. Davide kushala mu tshimenga atshi matuku abidi.

2 Samuele 8:12

(Bena Siriya, bena Mowabe, bena Amone, bena Peleshete ne bena Amaleke). Ke nuwuaye mujidila kabidi bintu bionsu bivuaye munyenga Adadezere.

1 Kulondolola 4:42

Bantu bakuabu ba mu tshisamba tshia Shimeyone nkama itanu, kuya mu buloba bua mikuna ya bena Edome. Bantu abu bavua babalombola kudi bana ba Isheyi banayi: Pelatiya, Neyariya, Refaya ne Uziyele.

1 Kulondolola 4:43

Kushipabu bena Ameleke bavua banyemenamu. Bobu kuasa muaba awu. Ndelanganyi yabu itshidimu ne ku lelu.

Ezela 9:14

Kadi mutudi mua kukutombokela kabidi, kusela bakaji ba bisamba bidi bitendelela mvidie ya tshianana mbishi? Ke muudi mua kubfikila munda, kutubutula bonsu, kuyi ushiya muntu!

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Yobe 19:23

Akia! Meme kujinga bikole bua muntu avuluke miaku yanyi, ayifunde mu mukanda.

Misambu 9:6

Udi utandisha bisamba bidi bikubenga, ubutula bantu badi kabayi bakulamate, ukupula mena abu kashidi tshiendelela.

Ekesode 12:14

“Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 17:13

Ke muvua Yoshuwa mushipe bena Amaleke bonsu, mubabutule nanku.

Ekesode 24:4

Moshe kufunda meyi onsu a Maweja-Nangila mu mukanda. Kujukaye dinda dionsu, kuasaye tshilambuilu kuinshi kua mukuna. Kujulaye kabidi makunji a mabue manene dikumi ne abidi. Tshisamba tshionsu tshia bena Izrayele tshivua ne dikunji diatshi.

Ekesode 32:33

Maweja-Nangila kuambila Moshe ne: — Anu badi benza tshilema abu ke bandi nkupula mena abu mu mukanda wa muoyi.

Ekesode 34:27

Maweja-Nangila kuambila Moshe ne: — Ufunde bionsu bindi mukuambile ebi, bualu ke bidi bijadika ndondu undi mutue nebe ne bena Izrayele bonsu.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yirmeya 30:2

Meme Maweja-Nangila Mvidi Mukulu wa Izrayele, mpindiewu ndi nkuambila ne: Ufunde bimpe malu anyi onsu amvua mukumanyishe.

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.

Dibadika 24:20

Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

Dibadika 33:2

Maweja-Nangila uvua muambile Moshe bua kufundaye miaba yonsu ivuabu ne bua kuikisha mu luendu luabu. Miaba ayi idi nunku:

Dielulula 31:9

Moshe kufunda mikenji ya Mvidi Mukulu, kuyipesha batuangaji, ndelanganyi ya bena Levi, bavua ne mudimu wa kuambula mushete uvua ne mikenji ya ndondu. Kuyipeshaye kabidi bakulu ba bena Izrayele.

Yoshua 4:7

nubambile ne: “Pavua batuangaji basabuka musulu wa Yardene, bambula mushete wa ndondu wa Maweja-Nangila, mayi akimana. Eyowa, bobu basabuka Yardene ne mushete wa ndondu, mayi avua mimane. Nenku mabue aa adi ne bua kuvuluija bena Izrayele kashidi tshishima etshi.”

1 Samuele 15:18

Kadi, Mvidi Mukulu uvua mumane kukuambila tshiudi ne bua kuenza. Uvua mukutume bua wewe kushipa bena Amaleke, bena buenzayi, bua wewe kuluangana nabu mvita, too ne pabutukabu bonsu bua buenzayi buabu.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

1 Samuele 30:17

Dituku divu dilonda, Davide kubaluisha dinda too ne dilolu. Muntu nansha umue kena munyeme to. Anu bansongalume nkama inayi bavua babanda pa nyama ya tumelu, ke bavua banyema.