Ekesode 17:12 - MUKANDA WA MYIDI MUKULU

¹² Bu muvua maboku a Moshe ashikila, Arone ne Ure kuteka dibue bua Moshe kusomba. Pashishe Arone ne Ure kumukuata ku maboku, ewu eku, mukuabu eku, babandishe maboku too ne ku dilolu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi bianza bia Mose biakanema bujitu; bakangata dibue, bakaditeka ku nyima ne yeye wakashikama ha mutu hadi, ne Alona ne Hû bakabandisha bianza biandi, umue ku luseke lukuabo, umue ku luseke lukuabo, ne bianza biandi biakakoleshibua to ne hakabuela diba.

Ekesode 17:12 교차 참조

Misambu 35:3

Sempela ne difuma ne muela, uluishe badi bankina. Unjadikile ne: “Nenkupandishe!”

Ekesode 17:11

Pavua Moshe wela tshianza mulu, bena Izrayele bavua bapita bena Amaleke bukole. Pavuaye upuekesha tshianza, bena Amaleke bavua batshimuna bena Izrayele.

Ekesode 17:13

Ke muvua Yoshuwa mushipe bena Amaleke bonsu, mubabutule nanku.

Ekesode 24:14

“Nushale batuindile muaba ewu too ne pawapingana. Padi muntu ne bualu, aye kudi Arone ne Ure, banudi nushala nabu.”

Yeshaya 35:3

Koleshayi mu maboku bantu badi bapungile, kankamikayi binu bidi bitenkakana.

2 Korente 1:11

Bualu nuenu nudi nuambuluisha, panudi nnulombela kudiye. Padi bann bavule banlombela kudi Mvidi Mukulu, neabateleje. Nanku neanele lupemba. Diba adi bann ba bungi kabidi nebamuele tuasakidila.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Filipe 1:19

bualu ndi mumanye ne: ku ditendelela dienu, ne ku diambuluisha dia Mueyelu wa Yezu Kristu, bionsu abi nebimpeteshe lupandu.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

1 Tesalonike 5:25

Bana hetu, nutulombele ne tuetu kabidi kudi Mvidi Mukulu.

Ebrewu 12:12

Nenku bandishayi bianza bienu bidi bipungile, koleshayi mikolu yenu idi mitekete!

Yakobe 1:6

Kadi aalombe ne ditaba, kayi wela mpata. Bualu muntu udi wela mpata mmufuanangane ne mavuala a mayi manene adi lupepele lujula, lutuma eku ne eku.

Yoshua 8:26

Yoshuwa uvua usempela ne difuma ditangije mu tshimenga tshia Ayi too ne pabutudibu bantu bonsu.