Ekesode 16:31 - MUKANDA WA MYIDI MUKULU

³¹ Bena Izrayele kuinyika biakudia abi ne: mmana. Bivua bitoke bifuanangane ne ntete ya koriandre. Kabidi bivua bisheme bu mikata mienza ne buitshi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bena Isalele bakabikila bidia abi ne, Mana Tshiakadi tshintu tshitoke tô bu ntete ya conandre, tshiakadi tshintu tshia kutua kuimpe bu mikata mienza ne bintshi.

Ekesode 16:31 교차 참조

Ekesode 16:14

Miaba yonsu ayi kushalamu bintu bikese bikuatakane bu mudi mabue a mvula.

Ekesode 16:15

Kadi, bu muvua bena Izrayele kabayi bamanye bintu abi, kukonkanganabu ne: — Etshi ntshinyi? Moshe kubambila ne: — Bintu ebi mmampa adi Maweja-Nangila munutumine bua nuenu kudia.

Ekesode 16:30

Nanku bantu bonsu kuikisha dituku dia muanda mutekete.

Ekesode 16:32

Moshe kubamanyisha kabidi ne: — Maweja-Nangila udi wamba ne: nulame mana makuabu bua kualeja ndelanganyi yenu, imona biakudia bivua Maweja-Nangila unudisha mu tshipela mu dipatuka dienu mu Ejipitu.

Musambu wa Solomo 2:3

Padi munanga wanyi munkatshi mua bansongalume nende, udi bu mutshi muimpe wa bimuma munkatshi mua mitshi ya ditu. Ndi ne disanka dia kuikisha mu dileji diawu, dia kupola bimuma biawu bisheme.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.