Ekesode 15:27 - MUKANDA WA MYIDI MUKULU

²⁷ Pashishe, bena Izrayele kufika ku Elime. Muaba awu, uvua mpokolu ya mayi dikumi ne ibidi ne mabue a ngaji makumi muanda mutekete. Kuasabu pabuipi ne mayi awu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bakalua ku Elima kuakadi mpokolo ya mai dikumi ne ibidi, ne mabue makumi muanda mutekete bakashikamaku hehi ne mai.

Ekesode 15:27 교차 참조

Misambu 23:2

Udi umfila mu mpata ya bisosa bibishi, undadika talala pabuipi ne mayi.

Ekesode 16:1

Bena Izrayele kumuka bonsu mu Elime. Mu matuku dikumi ne atanu a ngondu muibidi, kunyima kua dipatuka diabu mu Ejipitu, kufikabu mu tshipela tshia Sine, tshidi pankatshi pa Elime ne mukuna wa Sinayi.

Yeshaya 12:3

Nenusune mayi a disanka, ku mpokolu ya lupandu.

Yezekiyele 47:12

Mitshi ya bimuma ya mishindu yonsu neyitoloke ku mielelu yonsu ya musulu wa muenji. Mabeji ayi kaakuuma to. Mitshi neyikuame bimuma diba dionsu. Neyikuame bimuma ku ngondu ku ngondu; bualu mayi adi ayidisha, adi afumina ku nzubu wa Mvidi Mukulu. Bimuma biayi nebikale tshiakudia. Mabeji ayi neikale buanga bua kuondapa nabu.

Dibadika 33:9

Bumuka mu Mara, kuyabu kuasa ku Elima. Muaba awu uvua mpokolu ya mayi dikumi ne ibidi, ne mabue a ngaji makumi muanda mutekete.

Didimanyisha 22:2

upueka munkatshi mua musesu munene wa mu tshimenga. Ku nseke ibidi ya musulu kudi mutshi wa muoyi, udi ukuama bimuma misangu dikumi ne ibidi ku tshidimu, musangu umue ku ngondu yonsu. Bavua bondapa bisamba bia bantu ne mabeji awu.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.