Ekesode 15:20 - MUKANDA WA MYIDI MUKULU

²⁰ Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Ekesode 15:20 교차 참조

Genese 31:27

Bua tshinyi udi munshime, munyeme mu musokoku, katuyi balayangane nebe. Bu wewe mudianze kungambila, mvua nkushindikija ne misambu ya disanka, tuimbe bisanji ne ngoma.

2 Samuele 1:20

Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

2 Samuele 6:5

Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

2 Bakalenga 22:14

Ilkiya, mutuangaji munene, Ahikame, Akbore, Shafane, ne Ashaya, kuya kudi muambi mukaji Ulda, uvua musombele mu tshitupa tshipiatshipia tshia Yerushalayime. Bayende wa Ulda uvua Shalume, muana wa Tikva, ne muikulu wa Arase. Shalume ke uvua ulama bilamba bia tshijila bivua mu nzubu wa Mvidi Mukulu. Bantu abu, kuambila muambi mukaji Ulda malu onsu awu.

1 Kulondolola 15:16

Davide kuambila balombodi ba bena Levi bua basungule mu meku abu, bena misambu, bikale ne bisanji, nzenze ne ndibu, badi mua kuimba misambu ne diyi dikole dia disanka.

1 Kulondolola 6:3

Bana ba balume ba Kekate badi nenku: Amrame, Ishare, Ebrone ne Uziyele.

Nehemya 6:14

“Eyi Mvidi Mukulu wanyi, vuluka bibi bivuabu bangenzela kudi Tobiya, ne kudi Sanebalate, kabidi ne kudi muambi mukaji Nowadiya, ne kudi bambi bakuabu bavua bakeba kunkuatshisha bowa.”

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 150:4

Mutumbishayi ne maja ne ngoma, mutumbishayi ne lunzenze ne nshiba!

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 68:11

Ke muaba uvua bantu bebe baya kusomba, muaba uuvua mulongoluele bapele, bualu uvua ubananga.

Misambu 68:25

Mvidi Mukulu, tuetu kumona bantu bebe batue milongu, benda luendu lua mazengu mu nzubu webe wa tshijila. Eyi! Mvidi Mukulu wanyi, Mukalenga wanyi!

Misambu 68:26

Bena misambu bafilele kumpala, bansongakaji pankatshi, bimbe tutumbi, bena bisanji ku ndekelu.

Misambu 81:2

Nuelele Mvidi Mukulu mbila ya disanka, udi utulama, nukumine Mvidi Mukulu wa Yakobe bikashi.

Ekesode 2:4

Yayende wa muana awu, uvua muimanyine pa bule, bua kumona tshivua ne bua kuenzekela muana.

Muambi 3:4

Kudi tshikondu tshia kudila muadi, ne tshikondu tshia kuseka, tshikondu tshia kutua mikemu, ne tshikondu tshia kuja maja.

Yirmeya 31:4

Izrayele wanyi munanga, ndi nkujula tshiakabidi, ndi ngasulula tshimenga tshiebe. Bantu nebimbe ngoma. Nebaje maja, basanka.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Dibadika 12:1

Moshe uvua musele mukaji muena Kushe. Arone ne Miriyame kumujana bua mukaji awu.

Dibadika 12:2

Bavua bamba ne: — Maweja-Nangila mmuyukile amu ne Moshe nkayende anyi? Kena uyukila kabidi netu anyi? Maweja-Nangila kumvua tshijanu atshi.

Dibadika 20:1

Mu ngondu wa kumpala, bena Izrayele bonsu kufika mu tshipela tshia Tsine, kusomba mu Kadeshe. Miriyame kufuila muaba awu. Kumujikabu muine amu.

Dibadika 26:59

Amrame uvua musele Yokebede, muana wa Levi, mulelela mu Ejipitu. Mukaji ewu uvua mulelele Amrame bana basatu: Arone, Moshe ne Miriyame.

Luke 2:36

Kuvua kabidi Ana, muambi mukaji. Uvua muana wa Penuwele, wa mu tshisamba tshia Ashere. Ukavua ne bidimu bia bungi. Uvua mushale mu dibaka ne bayende wa ku buana bidimu muanda mutekete.

Bienzedi 21:9

Uvua ne bana bende ba bakaji banayi, kabayi basela. Bavua bambi, bamanyisha bantu bivua Mvidi Mukulu mubambile.

1 Korente 11:5

Kadi pikala mukaji utendelela munkatshi mua bantu ku mutu kutupu, nansha ubamanyisha malu avua Mvidi Mukulu mumuambile, udi ufuisha bayende bundu, bualu udi bu mukaji udibu bakungule mutu.

1 Korente 14:34

bakaji badi ne bua kupuwa mu Bisangilu bienu. Kabena mua kuakula. Mikenji ya Moshe idi yamba ne: bakaji badi ne bua kuitaba ku meyi.

Balombodi 11:34

Pavua Yefete upingana kuende ku Mispa, muanende wa bakaji kupatuka bua kumuakidila. Uvua wenda wimba makasa, uja ne maja. Yefete uvua anu ne muana umue wa bakaji awu. Kavua mulele bakuabu to.

Balombodi 21:21

Nushale batentekela. Pikala nsongakaji ya mu Silo nupatuke bua kuja maja, nuenu nupatuke mu madimi a mionji ya mvi-nyo. Muntu yonsu wa kunudi neakuate nsongakaji, aye nende mu buloba bua Binyamine bua nsongakaji awu ashale mukajende.

Balombodi 4:4

Tshikondu atshi Debora, mukaji wa Lapidote, uvua muambi wa bena Izrayele, ukosa nsambu ya bantu.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 18:6

Pavua bena mvita bafuma ku mvita, Davide mumane kushipa Ngoliyate muena Peleshete, ke bakaji ba mu bimenga bionsu bia bena Izrayele kufika bua kuakidila mukalenga Shawule. Bavua bimba misambu, baja maja, balonda dikasa dia ngoma ne bisanji, bela mbila ya disanka.