Ekesode 15:15 - MUKANDA WA MYIDI MUKULU

¹⁵ Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakelenge ba Edome bakukema, balume bakole ba Moaba badi bazakala, bantu bonso ba mu buloba bua Kanana bakujimina.

Ekesode 15:15 교차 참조

Genese 36:15

Bamfumu badi bafuma ku ndelanganyi ya Esawu badi nunku: Elifaze, muanabute, udi nkambua wa bamfumu basambombu: Temane, Omare, Sefo, Kenaze,

Genese 36:16

Ngatame ne Amaleke. Bana aba ke ndelanganyi ya Elifaze, muanabute wa Esawu, uvuaye mulele ne mukajende Ada. Bobu bavua basombe mu Edome.

Genese 36:40

Bisamba bia bena Edome, bilondeshile muaba udi tshisamba tshionsu tshisombe, bilondeshile kabidi dina dia nkambua watshi, ke Timna, Aka, Yetete,

2 Samuele 17:10

Diba adi bena mvita bonsu, too ne badi ne bukitu ne muoyi mukole bu nyama wa ntambue, nebatekete mu maboku. Bualu bena Izrayele bonsu mbamanye ne: tatuebe Davide udi muena mvita wa bukitu, kabidi bantu bonsu badiye nabu mbilobu.

Misambu 48:5

Bakalenga bavua badisangishe, baya kuluisha mukuna wa Siyone.

Misambu 68:2

Padi Mvidi Mukulu ujuka, uya ku mvita, baluishi bende badi batangalaka, bena lukuna bende badi bamunyema lubilu.

Yeshaya 13:7

Ke padi bonsu bateketa mu maboku, kabayi dikanda.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Abakuke 3:7

Ndi mmona mudi bena Kushane ne bowa, mudi bena Madiyane bazakala, batshina.

Dielulula 2:4

Maweja-Nangila kuntuma bua kunumanyisha ne: “Nupitshile ku mikuna ya Seyire, muaba udibu basombe kudi bana benu, ndelanganyi ya Esawu. Nebanutshine. Kadi nuikale badimuke.

Dielulula 20:8

Pashishe balombodi ba bena mvita nebambe kabidi ne: “Pikala muntu kayi ne muoyi mukole, utshina, mbimpe apingane kuende. Bualu udi mua kupumbisha bakuabu mua kuluangana.”

Yoshua 14:8

Kadi bantu batuvua baye nabu, bavua batekesha bena Izrayele mu maboku. Amu meme mvua muleje patoke mundi muitabe Maweja-Nangila Mvidi Mukulu wanyi muanyi muonsu.

Yoshua 2:11

Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

1 Samuele 14:16

Batentekedi ba Shawule bavua ku Ngibeya, tshimenga tshia bena Binyamine, kumona bena Peleshete bavule banyemakane nseke yonsu.