Ekesode 15:14 - MUKANDA WA MYIDI MUKULU

¹⁴ Bantu kumvua lumu alu, kuzakala! Bena Peleshete kukuatshika bowa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bantu bakunvua lumu, bakutshina, mikemu yakukuata Bena Peleshete.

Ekesode 15:14 교차 참조

1 Kulondolola 14:17

Bituadije ku tshikondu atshi, lumu lua Davide kutangalaka matunga onsu. Maweja-Nangila kukolesha Davide bua bukua matunga bumutshine.

Misambu 48:6

Bamona amu mukuna, kupapukabu! Bowa kubakuata, kunyemabu.

Misambu 48:7

Luzakalu kubenza, bu mudi dikenga dikuata mukaji pa kulela,

Yeshaya 14:29

Nuenu bonsu bena Peleshete, kanusanki bua padi bena Ashure, bavua banukengesha, kabayi kabidi ne bukole. Bualu kudi nyoka mufuile, nekupatuke munga nyoka, mupite wa kumpala ku lulengu. Diyi diende neditoye, nyoka wa kasanga-muma.

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Yeshaya 23:5

Bena Ejipitu nebikale kabidi mu dikenga, padibu bapeta lumu lua bionsu bivua bienzekela tshimenga tshia Tire.

Yezekiyele 32:9

Bantu ba bungi nebakeme, too ne ba matunga audi kuyi mumanye, pandi mbamanyisha malu a lufu luebe.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Abakuke 3:7

Ndi mmona mudi bena Kushane ne bowa, mudi bena Madiyane bazakala, batshina.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dibadika 22:5

Ke mukalenga Balake kutuma bantu kudi Balaame, muana wa Beyore, uvua musombe ku Petore pabuipi ne musulu wa Perate, mu ditunga dia bena Amavi. Uvua umulomba ne: “Mudi bantu ba bungi bafike munemu, bafume ku Ejipitu. Badi batangalaka pa buloba bujima, base mitanda yabu pabuipi nanyi.

Dielulula 2:25

Kutuadija lelu, nenkuatshishe bisamba bionsu bia pa buloba bowa. Bobu bumvue lumu luenu, nebazakale, banutshina.”

Yoshua 10:2

Ke muvua bena Yerushalayime bakuatshike bowa bua bungi. Bualu tshimenga tshia Ngibone tshivua tshipite tshia bena Ayi ku bunene, tshivua ne bunene bua mushindu umue ne bua bimenga bia bakalenga. Tshivua kabidi amu ne bena mvita ba bukitu.

Yoshua 2:11

Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

1 Samuele 4:7

Ke kumvuabu bowa, kuambilanganabu ne: “Mvidi Mukulu wafiki mumitanda ya bena Izrayele. Kuonsu eku, kavuamu to. Mpindiewu tudi bena diakabi!

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?