Ekesode 14:30 - MUKANDA WA MYIDI MUKULU

³⁰ Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nunku Yehowa wakasungila Bena Isalele mu bianza bia Bena Ejipitu dituku adi Bena Isalele bakatangila Bena Ejipitu bafue kukala kua mai manene.

Ekesode 14:30 교차 참조

2 Kulondolola 32:22

Ke muvua Maweja-Nangila mupandishe Izkiya ne bena Yerushalayime ku bianza bia Senakeribe mukalenga wa bena Ashure, ne ku bianza bia baluishi babu bakuabu. Maweja-Nangila kubueja ditalala miaba mikuabu yonsu.

Misambu 106:10

Kubasungidilaye kudi bavua babakina, kubanyenga mu bianza bia muluishi.

Misambu 106:8

Kadi kubasungidilaye bua lumu luende. bua kulejaye bantu bukole buende.

Misambu 58:10

Nebabakose bu ntambua dishinda, kabidi nansha mutshikale mubishi nansha mosha mvunde neabatangalaje.

Misambu 59:10

Ndi ntekemena kuudi, bualu wewe udi undama. Mvidi Mukulu, Wewe udi nzubu mukole undi nsokomena.

Misambu 91:8

Tabala tshianana, neumone mudi Mvidi Mukulu ufuta bantu babi!

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Yeshaya 63:8

Maweja-Nangila uvua muambe ne: “Bena Izrayele mbantu banyi, mbana banyi, badi kabayi mua kundinga to.” Nanku Mvidi Mukulu kubasungidila.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.

Balombodi 10:11

Maweja-Nangila kubakonka ne: — Pa wabu banukengesha kudi bena Ejipitu, bena Amore, bena Amone, bena Peleshete,

1 Samuele 11:13

Shawule kuandamuna ne: — Kabena mua kushipa muntu nansha umue dituku dia mushindu ewu to. Bualu lelu ndituku didi Maweja-Nangila mupeshe bena Izrayele bukole bua kutshimuna.

1 Samuele 14:23

Ke muvua Maweja-Nangila muambuluishe bena Izrayele bua kutshimuna bena Peleshete dituku adi nanku. Mvita kutungunuka too ne dishiya dia Bete-Avene.