Ekesode 14:25 - MUKANDA WA MYIDI MUKULU

²⁵ Kunyangaye nkata ya matempu abu a mvita. Kupangabu mua kutungunuka ne luendu. Ke bena Ejipitu kuela mbila ne: — Tunyemayi bena Izrayele, bualu Maweja-Nangila udi ubaluila mvita bua kututshimuna.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Wakakanga nkata ya makalu, kabakamanya mua kuya bimpe, Bena Ejipitu bakamba ne, Tunyeme bietu ku mesu kua Bena Isalele, bualu bua Yehowa udi ubaluila nvita yabo, udi uluangana ne Bena Ejipitu.

Ekesode 14:25 교차 참조

2 Kulondolola 20:29

Bakalenga ba bisamba bikuabu bamane kumvua ne: Maweja-Nangila Mvidi Mukulu mmutshimune baluishi ba bena Izrayele, kumutshinabu.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Nehemya 9:11

Uvua nuukosolole mayi manene, bena Izrayele batangile. Bobu kusabuka ku makasa kuume. Kadi bonsu bavua babalonda, Wewe kubela mu mayi. Bobu kudinabu bu dibue diela mu mayi mondoke.

Yobe 11:20

Kadi, bena malu mabi badi bakeba bantu badi mua kubambuluisha, kabena mua kubapeta to. Bobu badi mua kutekemena amu lufu.

Yobe 20:24

Nansha yeye mua kunyema muele wa mvita wa muluishi, lusongu lua tshiamu tshikunze nelumutubule.

Yobe 27:22

Mvidi Mukulu kena ubumvuila luse, udi ukeba kubasa mikete yende. Badi mua kuepuka mikete yende anu padibu banyema lubilu.

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

Misambu 46:9

Kanumonayi bidi Maweja-Nangila muenze. Tangilayi malu a dikema adiye mukumbaje pa buloba.

Misambu 68:12

Maweja-Nangila udi wamba amu muaku umue. Bakaji kabayi kubala badi baya kuambila bantu ne:

Misambu 76:6

Badi banyenga bintu bia bena mvita ba bukitu, bafuile ku tulu, kabavua ne mushindu wa kudisungila.

Ekesode 14:14

Lekelayi kupampakana, bualu Maweja-Nangila nealuangane mvita eyi pa mutu penu.

Ekesode 14:18

Pambaleja butumbi buanyi nanku, bena Ejipitu nebajadike ne: meme ndi Maweja-Nangila.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Ekesode 15:3

Maweja-Nangila udi tshilobu tshia mvita. Dina diende mMaweja-Nangila.

Yeshaya 31:4

Maweja-Nangila uvua mungambile ne: “Nyama wa ntambue, nansha mukole nansha muana, udi ukungula padi tshisumbu tshia balami ba mikoku basue kumunyenga nyama udiye mukuate. Kena ne bowa bua bibingu bidibu bamuela to. Kena ushiya nyama panshi bua mutoyi ewu to. Ke mudibi buanyi meme, Maweja-Nangila muena bukole buonsu, pambapueka pa mukuna wa Siyone, bua kunuluila bua baluishi benu kabanuenzedi bibi.”

Yirmeya 51:21

Meme kuzaza nebe nyama ya tubalu, ne bantu badi babandapu. Meme kuboza nebe matempu ne bantu bavua baendesha.

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Amosa 9:1

Meme kumona Maweja-Nangila muimane pa tshilambuilu. Uvua wela mbila ne: “Tuuta ku mitu ya makunji, bua nzubu mujima anyungakane ne ku tshitaku. Tshibula makunji, azaze mitu ya bonsu. Badi bashala ne muoyi, nembashipeshe ku muele wa mvita. Muntu nansha umue kakunyema, kakupanduka ku lufu.

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 3:22

Nanku, kanubatshinyi to, bualu Maweja-Nangila Mvidi Mukulu wenu neanuluile mvita ayi.”

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

Yoshua 10:14

Katshia ne katshia, bualu bua mushindu ewu kabuvua buanji kuenzeka to; kabidi kabuakuenzeka matuku adi kumpala. Maweja-Nangila kukumbaja tshivua muntu mumulombe. Nanku yeye nkayende uvua uluila bena Izrayele mvita.

Balombodi 4:15

Barake kutuadija mvita. Maweja-Nangila kunyemesha kumpala kuende Sisra, ne matempu ende a mvita, ne bena mvita bende bonsu. Sisra kushiya ditempu diende dia mvita, kunyema lubilu ku makasa.