Ekesode 14:17 - MUKANDA WA MYIDI MUKULU

¹⁷ Nempeshe bena Ejipitu muoyi mukole wa tshitunu bua banulonde. Pashishe meme nendeje butumbi buanyi. Nembutule mukalenga wa bena Ejipitu ne tshiluilu tshiende tshijima, matempu ne badi babanda pa tubalu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ne tangila, meme nenkoleshe mitshima ya Bena Ejipitu, nebayemu ku nyima kua Bena Isalele, nengangate butumbi bualu bua Palô ne bisumbu biandi bionso ne makalu andi ne masalayi andi adi enda ha tubalu.

Ekesode 14:17 교차 참조

Genese 50:9

Mu njila amu, bavua kabidi ne musumba wa bantu babande pa tubalu ne matempu.

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Genese 9:9

“Ndi ntua nenu ndondu, kabidi ne ndelanganyi yenu.

Ekesode 14:23

Bena Ejipitu kubalondakaja ne tubalu tua mukalenga wabu, matempu, ne bavua babanda pa tubalu. Kulondabu bena Izrayele too ne mu mayi manene.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Ekesode 14:8

Maweja-Nangila kupesha mukalenga wa bena Ejipitu muoyi wa tshitunu. Awu kulonda bena Izrayele, bualu bena Izrayele bavua bapatuke mu Ejipitu bu bantu bakadi mua kudienzela malu.

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Ekesode 4:23

Nanku ndi nkutumina diyi ne: umulekele, aye kuntendelela. Kadi paudi ubenga bua kumulekela, ndi nshipa muanebe wa balume muanabute.”

Ekesode 7:3

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende.

Yeshaya 48:15

Kadi meme nkavua mubuambe. Meme nkayanyi, mvua mubikile muntu ewu. Meme kumufikisha kunu. Nanku tshionsu tshidiye mutuadije, neatshikumbaje.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Yirmeya 23:39

nennuambule bu bujitu pa makaya anyi. Nennuimanshe nuenu, kabidi ne tshimenga etshi tshimvua munupeshe nuenu ne bankambua benu.

Yezekiyele 28:22

Meme Maweja-Nangila Mvidi Mukulu ndi mbambila ne: “Nuenu bena Sidone nennunyoke. Nendeje butumbi buanyi ku malu andi nnuenzela. Pandi nnunyoka bantu bonsu nebamanye ne: meme ndi Maweja-Nangila. Ke mundi mbaleja mundi Mvidi Mukulu wa tshijila.

Yezekiyele 34:11

“Meme Maweja-Nangila ndi ngamba ne: biangatshile mpindiewu, meme nkayanyi nendiangatshile bulami bua mikoku yanyi.

Yezekiyele 34:20

Ke pandi meme Maweja-Nangila nnuambila ne: ndi ndumbuluisha mikoku yanyi, nkosa tshilumbu tshia idi minyane ne idi ne manyi.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Yezekiyele 6:3

Bantu badi basomba ku mikuna minene ne mikese, mu bibandabanda ne mu mpongu, bakuteleje. Meme Maweja-Nangila Mvidi Mukulu ndi mbambila ne: “Nennutumine mvita bua kunyanga miaba yenu inudi nutendelela mvidie.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Rome 9:18

Nanku muntu udi Mvidi Mukulu musue kutuila luse, udi umufuila. Muoyi wa muntu udiye musue kupapisha, udi uupapisha.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

Balombodi 4:7

Nensonsole Sisra, mfumu wa tshiluilu tshia Yabine, bua kuyaye ku musulu wa Kishone. Muaba awu neakuluishe ne matempu a mvita, kabidi ne bena mvita bende mene. Kadi nemmufile mu bianza biebe.”

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.