Ekesode 14:16 - MUKANDA WA MYIDI MUKULU

¹⁶ Kadi, wewe olola dikombu diebe pa mayi, apanduluke. Bena Izrayele basabuke ku makasa kuma.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Ekesode 14:16 교차 참조

2 Bakalenga 4:29

Elisha kukonka Ngeyazi ne: — Udi mumane kudilongolola bua kuya anyi? Angata dikombu dianyi dia buambi, uye ku Shuneme. Wewe musangile ne muntu mu njila, kuimanyi bua kumuela muoyi to. Padi muntu musue kukuela muoyi, kujimiji diba bua kuyukila nende to. Pawafika, uteke dikombu dianyi pa mpala pa muana.

Ekesode 14:15

Maweja-Nangila kuambila Moshe ne: — Lekela kungela mbila bua imuambuluishe. Ambila amu bantu ne: nutungunuke ne luendu.

Ekesode 14:26

Maweja-Nangila kuambila Moshe ne: — Olola tshianza pa mayi manene, bua mayi apingane, abutule bena Ejipitu ne tshiluilu tshiabu.

Ekesode 17:5

Maweja-Nangila kuambila Moshe ne: — Pita kumpala kua bantu ne bamue bakulu ba bena Izrayele. Angata dikombu diuvua mupandulule nadi musulu wa Nile adi.

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Ekesode 4:17

Ukuate kabidi dikombu edi mu tshianza, wenze nadi bishima.

Ekesode 4:2

Maweja-Nangila kukonka Moshe ne: — Tshiudi natshi ku bianza atshi ntshinyi? Moshe kuandamuna ne: — Ndi ne dikombu.

Ekesode 4:20

Moshe kuangata dikombu divua Mvidi Mukulu mumuambile bua kuya nadi. Kupinganaye mu Ejipitu. Uvua muambule mukajende ne bana bende pa nyama wa mpunde.

Ekesode 7:19

Maweja-Nangila kuambila Moshe ne: — Ambila Arone ne: angata dikombu diebe, olola tshianza ku mutu kua mayi onsu a mu Ejipitu, adi mu misulu, adi mu tusulu tukese ne adi mu majiba. Mayi onsu andamuke mashi. Mashi neikale mu ditunga dijima dia Ejipitu too ne mu nguvu ne mu mabungu.

Ekesode 7:9

— Pikala mukalenga wa bena Ejipitu ujinga bua numuenzele bishima, wewe Moshe wambile Arone ne: ela dikombu diebe panshi. Nanku nediandamuke nyoka, mukalenga awu mumone.

Yeshaya 10:26

Maweja-Nangila muena bukole buonsu neakengeshe bena Ashure, bu muvuaye muenzele bena Madiyane pa lubuebue lua Orebe. Neolole dikombu diende pa mayi manene, bu muvuaye munyoke bena Ejipitu.

Abakuke 3:8

Maweja-Nangila, uudi mufikile munda nnganyi? Ke misulu iudi mutekele tshiji anyi? Ke mayi manene audi mufikile munda anyi? Udi ubanda pa mavuba, bu pa ditempu, didi nyama ya tubalu ikoka, bua uye kutshimuna baluishi.

Dibadika 20:11

Moshe kutuuta dikombu pa lubuebue misangu ibidi. Mayi kupatuka mapite bungi. Bena Izrayele kunua, ne bimuma biabu kabidi.

Yoshua 8:18

Nanku Maweja-Nangila kuambila Yoshuwa ne: — Sempela ne difuma diebe mutangile luseke lua tshimenga tshia Ayi, bualu ndi nkupesha tshimenga etshi, bua utshikuate. Yoshuwa kuenza muvua Maweja-Nangila mumuambile.