Ekesode 12:9 - MUKANDA WA MYIDI MUKULU

⁹ Kadi bitupa bionsu bia nyama awu, nansha mutu, bibelu ne bia munda mene, kanuena mua kubidia bibishi nansha bilamba to, anu biosha muiku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kanudi munyinyi mubishe, anyi mulamba mu mai a kahia, kadi nuoshe munyinyi mu kahia, mutu wandi ne bibelu biandi ne bia munda biandi.

Ekesode 12:9 교차 참조

2 Kulondolola 35:13

Kuoshabu mukapia munyinyi wa muana wa mukoku wa tshibilu tshia Dipita dia Maweja-Nangila, bu mvua tshibidilu tshiabu. Kadi minyinyi mikuabu ya tshijila bavua bayilambila mu ngesu, mu bipanza ne mu bintu bikuabu bia kulambila. Pashishe, bavua bakadila bena Izrayele bonsu munyinyi awu lukasa.

Ekesode 12:8

Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Ekesode 29:13

Wangate mafuta onsu adi ku mala, tuonyi ne mafuta atu, ne lutandatanda lua ku mutshima, ubioshe pa tshilambuilu.

Ekesode 29:17

Usaye mukoku wa tshimpanga awu, usukule bia munda ne mikonu. Ubiteke pa tshilambuilu pa mutu pa munyinyi ne mutu.

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Dielulula 16:7

Nulambe munyinyi awu, nuudile muaba wikala Maweja-Nangila musungule. Mu dinda, nupingane ku nzubu yenu.