Ekesode 12:7 - MUKANDA WA MYIDI MUKULU

⁷ Ku nzubu yonsu kudibu badie munyinyi awu, nebalabe mashi ku dibaya didi kulu kua tshiibi ne ku mabaya adi ku nseke yatshi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bobo nebangate mashi, nebâmiamine ku mutshi wa ha mutu ha mushiku wa mbelu ne ku biluwa bibidi bia mushiku wa mbelu wa nsubu mudibo bamudîla.

Ekesode 12:7 교차 참조

1 Bakalenga 6:31

Bua kuinjila ku tshibambalu tshivua ne mushete wa ndondu, kuenzabu tshiibi tshia mutshi wa olive wa ditu, tshia kunzulula nseke ibidi. Kadi mabaya avua ku tshiibi avua tshia bitanu tshimue tshia tshiibi mu butshiama.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Dielulula 11:20

Pashishe nuyifunde ku mishiku ya mbelu ya nzubu yenu, ne ku biibi bia bimenga bienu.

Ebrewu 10:14

Nenku ku mulambu umue udi mufikishe tshisamba tshia bena ditaba ku bujima buatshi bua kashidi.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Ebrewu 11:28

Amu bua ditaba, kujadikaye bua kuenza tshibilu tshia Dipita dia Maweja-Nangila. Kutumaye diyi bua bamiamine mashi ku biibi, bua mutumibue wa lufu kashipi banabute ba bena Izrayele.

Ebrewu 9:22

Bu mudi mikenji yamba, badi bumusha mikiya ku bintu bu bionsu amu ne mashi. Badi bajimija mibi amu padi mashi amata panshi.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.