Ekesode 12:43 - MUKANDA WA MYIDI MUKULU

⁴³ Maweja-Nangila kuambila Moshe ne Arone ne: — Mikenji ya tshibilu tshia Dipita dianyi idi nunku: “Muntu muenyi kena mua kudia biakudia bia Dipita dianyi to.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Yehowa wakambila Mose ne Alona ne, Etshi ntshilele tshia kuhita kua Yehowa muenyi kena mua kutshidia.

Ekesode 12:43 교차 참조

2 Kulondolola 30:18

Bantu ba bungi, nangananga ba mu tshisamba tshia bena Efrayime, tshia bena Menashe, tshia bena Isakare, ne tshia bena Zebulone, kaba-vua bumushe mikiya yabu to. Kadi bavua amu badia biakudia bia tshibilu tshia Dipita dia Maweja-Nangila, kabayi banemeka meyi adibu bafunde mu mukanda wa mikenji. Kadi Izkiya kulombela bantu abu kudi Maweja-Nangila, wamba ne:

Ekesode 12:11

Nudie munyinyi awu mushindu ewu: nusuike mukaba mu tshimonu, dikombu ku bianza, bisabata ku makasa. Nudie anu lukasa lukasa, bualu ntshibilu tshia Dipita dia Maweja-Nangila.

Ekesode 12:48

“Pikala muenyi udi kumbelu kuebe musue kuenza tshibilu tshia Dipita dianyi, nuteke bantu balume bonsu, ne bana mene, ba mu diku diabu panshi, bua bikale bu bena Izrayele. “Kadi, muntu udi kayi muteke panshi, kena mua kudia biakudia abi to.”

Yezekiyele 44:7

Panudi nundambula bia pa madimi, mafuta ne mashi a nyama, nudi nubueja mu nzubu wanyi bantu benyi, batuabu kabayi bateka panshi, badi kabayi bangitaba to. Ke munudi nupisha nzubu wanyi mikiya. Ke munudi banyanga ndondu udi mututuangaje nenu, ne malu enu mabi onsu andi mbenga.

Lewitiki 22:10

“Muntu udi kayi mutuangaji, nansha yeye muena mudimu wa mutuangaji, nansha muenyi wende, kena mua kudia biakudia bia tshijila ebi to.

Lewitiki 22:13

Kadi padi muana wa bakaji wa mutuangaji ushala mukamba, nansha dibaka diende difue kayi mulela, padiye upingana kabidi kumbelu kua tatuende, udi mua kudia biakudia bia tshijila. Pa kumusha bualu ebu, muntu udi kayi mutuangaji kena mua kubidia to.

Dibadika 9:14

Pikala benyi badi munkatshi muenu basue kungenzela tshibilu tshia Dipita dia Maweja-Nangila, batshienze mudi mikenji ne bibidilu biatshi. Bualu mikenji idi anu mushindu umue bua benyi ne bena ditunga.”

Efeze 2:12

Mu tshikondu atshi kanuvua pabuipi ne Kristu. Nuvua benyi. Kanuvua ba mu tshisamba tshia Izrayele, tshivua Mvidi Mukulu musungule. Ndondu ivua Mvidi Mukulu mutue ne bantu bende, ne malaya avuaye mubalaye, kabivua binutangila. Nuvua basombe panu, kanuyi batekemene tshintu, kanuyi ne Mvidi Mukulu.

1 Samuele 2:27

Muambi mukuabu kuya kudi mutuangaji Eli, kumuambila ne: — Teleja tshidi Maweja-Nangila wamba ne: “Patshivua bankambua bebe mu Ejipitu ku bupika bua mukalenga wa bena Ejipitu, udi mumanye ne: meme Maweja-Nangila mvua mudimanyisha kudibu.