Ekesode 12:37 - MUKANDA WA MYIDI MUKULU

³⁷ Pashishe bena Izrayele kumuka mu Ramsese bua kuya ku Sukote. Bavua bantu balume binunu nkama isambombu, katuyi babale bakaji, bana ne bantu bakulakaje.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bena Isalele bakaya ku Lamesese tô ne ku Sukota, balume bakenda hanshi bakadi bu bununu nkama isambombo, ne bana kabidi.

Ekesode 12:37 교차 참조

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

Genese 47:11

Yakobe ne bana bende kusomba mu ditunga dia Ejipitu, muaba muimpe uvua Yozefe mubasunguile bua wikale wabu. Bavua basombe pabuipi ne tshimenga tshia Ramsese, bu muvua mukalenga wa bena Ejipitu muambe.

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 10:9

Moshe kumuandamuna ne: — Tuyaya bonsu pamue: bansonga betu ne bantu bakulakaje, bana betu ba balume ne ba bakaji ne bimuna bietu bionsu, mikoku, ngombe ne mbuji. Bualu tuyaya kuenza tshibilu bua Maweja-Nangila.

Ekesode 13:20

Bena Izrayele bumuke ku Sukote, kuasabu mitanda yabu mu Etame ku muelelu wa tshipela.

Ekesode 38:26

Nanku bantu balume bonsu 603.550 bavuabu babadike, bikale ne bidimu bituadijile ku makumi abidi too ne pa mutu, bavua balambule grame itanu ya tshiamu tshitoke tshia mushinga mukole ku muntu ku muntu.

Dibadika 1:2

— Wewe ne Arone, nubadike bena Izrayele bonsu. Nufunde mena a bantu balume bonsu ku muntu ku muntu, bilondeshile meku abu ne bisamba biabu.

Dibadika 11:21

Moshe kukema, wamba ne: — Akia! Bena Izrayele badi muaba ewu mbapite pa binunu nkama isambombu. Muudi mua kuamba ne: nembapeshe munyinyi, mbadisha ngondu mujima mbishi?

Dibadika 2:32

Bena Izrayele bonsu basanga bavuabu babadike ku tshisamba ne ku tshisumbu badi 603.550.

Dibadika 26:51

Bena Izrayele bonsu bavuabu babadike bavua bantu balume 601.730.

Dibadika 33:3

Mu matuku dikumi ne atanu a ngondu wa kumpala, bena Izrayele bamane kuenza tshibilu tshia Dipita dia Maweja-Nangila musangu wa kumpala, kumukabu mu Ramsese, muvuabu basue, bena Ejipitu babatangile.

Dibadika 33:5

Bena Izrayele bumuka mu Ramsese, kuyabu ku Sukote.