Ekesode 12:28 - MUKANDA WA MYIDI MUKULU

²⁸ Kuyabu kuenza bionsu bivua Maweja-Nangila muambile Moshe ne Arone.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bena Isalele bakaya, bakenza nunku, bu muakambila Yehowa Mose ne Alona, mbu muakenzabo.

Ekesode 12:28 교차 참조

2 Samuele 5:25

Davide kuenza amu muvua Maweja-Nangila muambe. Ke pavuaye mutshimune bena Peleshete, kubalondakaja biangatshile ku Ngeba too ne ku tshibuelelu tshia musoku wa Ngezere.

1 Bakalenga 17:5

Eliya kuenza bionsu bivua Maweja-Nangila muambe. Kuyaye kusomba pabuipi ne musulu wa Kerite.

Ekesode 12:27

Nubandamune ne: “Mmulambu wa tshivulukilu tshia Dipita dia Maweja-Nangila. Pavua bena Izrayele mu Ejipitu, Maweja-Nangila uvua mushipe bena Ejipitu. Kadi uvua mupitshile patupu ku nzubu ya bana betu, kayi muimane bua kubashipa. Uvua mutufuile luse ne bena meku etu bonsu.” Ke bena Izrayele kudiela panshi bua kukuila Maweja-Nangila.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Ekesode 12:35

Bena Izrayele kulomba bena Ejipitu bilamba ne bintu bienza ne tshiamu tshia mpawungi nansha ne tshiamu tshitoke tshia mushinga mukole bu muvua Moshe mumane kubambila.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Ekesode 36:1

Beshalele ne Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ya muaba wa tshijila, nebenze bintu bia kuenza nabi mudimu mu nzubu wa Mvidi Mukulu bu muvua dijinga dia Maweja-Nangila.

Ekesode 39:32

Bena mudimu kujikija mudimu onsu wa ntenta wa kusambakena ne wa nzubu wa tshijila. Bavua benza midimu ayi menemene anu bu muvua Maweja-Nangila muambile Moshe.

Ekesode 39:42

Bena Izrayele bavua benza midimu ayi anu bu muvua Maweja-Nangila muambile Moshe.

Ekesode 39:43

Moshe kubandila mudimu uvua bena Izrayele benza. Kumonaye ne bavua bawenze anu bu muvua Maweja-Nangila muambe. Nanku, kubelaye lupemba.

Ekesode 7:10

Moshe ne Arone kuya kudi mukalenga wa bena Ejipitu, kuenza muvua Maweja-Nangila muambe. Arone kuela dikombu panshi, mukalenga ne bantu batangile. Dikombu kuandamuka nyoka.

Ekesode 7:6

Moshe ne Arone kukumbaja bionsu bivua Maweja-Nangila mubambile.

Lewitiki 24:23

Moshe kuambila bena Izrayele mikenji eyi ya Maweja-Nangila. Bena Izrayele kumuka mu mitanda ne muntu uvua usendeka Mvidi Mukulu awu. Kumuasabu mabue, kumushipa, bu muvua Maweja-Nangila muambile Moshe.

Dibadika 1:54

Bena Izrayele kukumbaja bionsu bivua Maweja-Nangila muambile Moshe.

Dibadika 31:31

Moshe ne mutuangaji Elazare kukumbaja bionsu bivua Maweja-Nangila muambe.

Dibadika 31:41

Moshe kupesha mutuangaji Elazare bintu bionsu bivua bia Maweja-Nangila, bu muvua Maweja-Nangila mumane kuamba.

Dibadika 31:47

Nanku ku bantu ne bintu bionsu bivuabu babanyine bena Izrayele, Moshe kumusha muntu umue ku bantu makumi atanu, ne nyama umue ku nyama makumi atanu. Kupeshaye bena Levi bavua benza mudimu mu nzubu wa Mvidi Mukulu bintu abi, bu muvua Maweja-Nangila mumane kuamba.

Dibadika 5:4

Nanku bena Izrayele kumusha bantu bonsu abu mu mitanda yabu. Kukumbajabu bivua Maweja-Nangila muambile Moshe.

Dielulula 34:9

Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

Ebrewu 11:28

Amu bua ditaba, kujadikaye bua kuenza tshibilu tshia Dipita dia Maweja-Nangila. Kutumaye diyi bua bamiamine mashi ku biibi, bua mutumibue wa lufu kashipi banabute ba bena Izrayele.

Yoshua 14:5

Nanku bena Izrayele bavua babanyangana ditunga dia Kenaane anu mushindu uvua Maweja-Nangila muambile Moshe.

Yoshua 2:21

Rakabe kuandamuna ne: — Ndi muanyishe munudi nuamba amu. Pashishe kulayanganabu. Bantu babidi abu bamane kuya, Rakabe kusuika muonji mukunze ku dididishi dia ku nzubu kuende.

Yoshua 4:8

Bantu bavua Yoshuwa musungule, kukumbajabu bionsu abi. Kuambulabu mabue dikumi ne abidi munkatshi mua musulu wa Yardene. Dibue dimue ku tshisamba, bu muvua Maweja-Nangila nkayende muambile Yoshuwa. Kuyabu kuteka mabue awu muaba uvuabu ne bua kulala.