Ekesode 12:27 - MUKANDA WA MYIDI MUKULU

²⁷ Nubandamune ne: “Mmulambu wa tshivulukilu tshia Dipita dia Maweja-Nangila. Pavua bena Izrayele mu Ejipitu, Maweja-Nangila uvua mushipe bena Ejipitu. Kadi uvua mupitshile patupu ku nzubu ya bana betu, kayi muimane bua kubashipa. Uvua mutufuile luse ne bena meku etu bonsu.” Ke bena Izrayele kudiela panshi bua kukuila Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ nenubambile ne, Tshidi tshintu tshituha tshia kuhita kua Yehowa, yeye wakahita ha mutu ha nsubu ya Bena Isalele mu Ejipitu, hakashiheye Bena Ejipitu, ne wakasungila nsubu yetu Bantu bakinama mitu yabo, bakatendelela Yehowa.

Ekesode 12:27 교차 참조

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

2 Kulondolola 20:18

Yosafate kudiela panshi kumpala kua Maweja-Nangila. Bena Yuda bonsu, ne bena Yerushalayime kabidi, kudiela panshi bua kutendelela Maweja-Nangila.

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

Nehemya 8:6

Ezra kuela Maweja-Nangila, Mvidi Mukulu munene, tuasakidila. Bantu bonsu kuela bianza mulu, kuitaba ne: “Amene! Amene!” Pashishe kuinyikabu mitu panshi bua kukukuila Maweja-Nangila.

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Misambu 78:5

Uvua mulongeshe bantu bende, kuelelaye bena Izrayele mukenji, kuambilaye bankambua betu, bua balongeshe bana babu malu aa.

Ekesode 10:2

Nanku wewe Moshe neumone mua kumanyisha muanebe wa balume ne muikuluebe mundi mulembakaje bena Ejipitu, muenze bishima bionsu ebi mu ditunga diabu. Ke munudi mua kujadika ne: meme ndi Maweja-Nangila.

Ekesode 12:11

Nudie munyinyi awu mushindu ewu: nusuike mukaba mu tshimonu, dikombu ku bianza, bisabata ku makasa. Nudie anu lukasa lukasa, bualu ntshibilu tshia Dipita dia Maweja-Nangila.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Ekesode 12:28

Kuyabu kuenza bionsu bivua Maweja-Nangila muambile Moshe ne Arone.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Ekesode 13:8

Pa kuenza tshibilu etshi, mmianyishe bana benu ba balume ne: Tudi tuenza nunku, bua kuvuluka muvua Maweja-Nangila mutupatule mu Ejipitu.

Ekesode 34:25

“Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Ekesode 34:8

Moshe kutua binu panshi lukasa, kuinyikaye mutu

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

1 Korente 5:7

Umushayi buanga bua mampa bukulukulu bua mibi ebu, bua nuikale kanuyi ne kalema nansha kamue. Nanku nenuikale bu tshitapitapi tshipiatshipia katshiyi tshiela buanga. Ke munukadi bulelela. Bualu bakadi bamane kulambula Kristu, muana wa mukoku wetu, bua kubanga tshibilu tshietu tshia Dipita dia Maweja-Nangila.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 16:5

Kanuena mua kuenzela tshibilu tshia Dipita dia Maweja-Nangila Mvidi Mukulu wenu, mu bimenga bionsu bikalaye munupa bua kusomba to.