Ekesode 10:21 - MUKANDA WA MYIDI MUKULU

²¹ Maweja-Nangila kuambila Moshe ne: — Olola tshianza mulu, midima yenzeke mu ditunga dia Ejipitu, midima mikole mipite idi bantu bafuane kukuata mu bianza!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yehowa wakambila Mose ne, Olola tshianza tshiebe mulu, midima ikale mu buloba bua Ejipitu, bantu babubute mu midima.

Ekesode 10:21 교차 참조

Yobe 5:14

Badi benda mu munya, kadi badi batetuka bu badi benda mu miidima. Badi bababata bu mutu bantu benza mu butuku.

Misambu 105:28

Ke Mvidi Mukulu kutumaye miidima, butuku kuila mu ditunga, kakuvua muntu uvua mubenge diyi diende nansha.

Misambu 35:6

Mutumibue wa Maweja-Nangila neabalondakaje, mu njila ya miidima ne ya busenu.

Misambu 78:49

Ku ndekelu Mvidi Mukulu kutumina bena Ejipitu tshiji tshikole, kubafikila munda, kubakengesha mishindu yonsu.

Ekesode 7:19

Maweja-Nangila kuambila Moshe ne: — Ambila Arone ne: angata dikombu diebe, olola tshianza ku mutu kua mayi onsu a mu Ejipitu, adi mu misulu, adi mu tusulu tukese ne adi mu majiba. Mayi onsu andamuke mashi. Mashi neikale mu ditunga dijima dia Ejipitu too ne mu nguvu ne mu mabungu.

Ekesode 9:22

Ke Maweja-Nangila kuambila Moshe ne: — Olola diboku mulu bua mvula mukole wa mabue aloke, alokele bena ditunga dia Ejipitu, bimuna biabu ne bintu bionsu bidi mu madimi.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Muambi 6:4

Bualu muana ewu mbamuimite patupu, mmubuele mu miidima kayi dina, kabayi bamuvuluke.

Yezekiyele 32:7

Paudi ukula muoyi, nemfikishe kulu, mbuikile mitotu, mbuikile diba ne divuba. Ngondu kakukenka kabidi.

Matayi 27:45

Munda munya, midima kuenzeka mu ditunga dijima. Kunengayi meba asatu.

Marke 15:33

Diba dia dikumi ne dibidi munda munya, miidima kuenzeka mu ditunga dijima, kunengayi too ne ku diba isatu wa ku mapingaja.

Luke 23:44

Munda munya, diba kubuitshidila. Midima kuenzeka mu ditunga dijima, too ne ku diba dia isatu wa dilolu. Tshilamba tshiyuabu balembeleje mu nzubu wa Mvidi Mukulu, kupandikatshi pankatshikatshi.

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 28:29

Nenuendakane munda munya, nubabata bintu bu mpofu. Midimu yenu kayakutungunuka to. Bantu nebanukengeshe bikole, nebanyenge bintu bionsu binudi nabi, muntu nansha umue kayi mua kunuakuila.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

2 Petro 2:17

Bantu aba badi bu mpokolu mimane kuuma, nansha bu mavuba adi lupepele lusakila, kaayi alokesha mvula. Mvidi Mukulu mmubalamine muaba mu miidima mikole ya mu kandondu.

2 Petro 2:4

Bualu Mvidi Mukulu kena mufuile batumibue bavua benza bibi luse. Uvua mubele mu kandondu, mudiye mubalame mu lukanu mu miidima, too ne ku diba didibu ne bua kubalumbuluisha.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Didimanyisha 8:12

Mutumibue muinayi kuela mpungi. Kutuutabu tshia bisatu tshia diba, tshia ngondu, ne tshia mitotu. Nanku tshia bisatu tshia bukenka buabi kujimina. Muvua amu miidima tshia bisatu tshia dituku, ne tshia bisatu tshia butuku kabidi.