Efeze 6:20 - MUKANDA WA MYIDI MUKULU

²⁰ Nansha mundi mu lukanu amu mpindiewu, mbantume amu bua kumanyisha Lumu lua Disanka alu. Nanku lombayi bua ndongeshe Lumu elu ne muoyi umue, amu mudibu bamfundile bua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bua bualu ebu ndi muloho wa Nzambi mu nkanu, bua meme kuambila bantu bualu ne dikima bu mundi nʼabu bua kubambila.

Efeze 6:20 교차 참조

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Kolose 4:4

Nanku lombayi bua mmone mua kulongesha bimpe bualu busokome abu, amu mushindu undi ne bua kuenza.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Bienzedi 26:29

Polu kuandamuna ne: — Nansha tuetu bashale nebe katupa kipi, nansha tshitupa tshile, kadi ndi nsengelela Mvidi Mukulu ne: ne wewe, ne nuenu bonsu badi banteleja lelu, numfuane meme. Kadi kanumfuanyi ku nkanu eyi to!

1 Yone 3:16

Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.

2 Timote 1:16

Mfumu asankishe bena diku dia Onesifore, bualu uvua munsambe misangu ya bungi. Kavua mumvue bundu bua pamvua mu lukanu.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

Efeze 6:19

Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Bienzedi 28:31

Uvua umanyisha malu a Bukalenga bua Mvidi Mukulu, ulongesha ne muoyi mukole, bidi bitangila Mfumu Yezu Kristu, kabayi bamukandika.

Bienzedi 28:20

Ke pandi mulombe bua kumonangana nenu apa. mBansuike lukanu elu, bualu bua muntu ewu udi bena Izrayele bonsu batekemena.

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!

Nsumuinu 13:17

Muntu udibu batuma ne mukenji kayi uufikisha, udi ukengesha bantu. Muntu wa nsongu udi uufikisha, udi usamba bantu.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Filemone 1:10

Ndi ngakuila Onezime. Ukadi muananyi undi mufikishe mu ditaba pandi mu lukanu apa.

Bienzedi 21:33

Ke mulombodi wa basolayi kusemena kudi Polu, kutuma diyi, bua bamukuate, bamusuike nkanu ibidi. Pashishe kuebejaye ne: nnganyi ewu? Tshivuaye muenze ntshinyi?

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Yeshaya 33:7

Monayi: bena mu Yerushalayime, badi bapatuka mu misesu, batua mikemu. Bavua batumanyisha bupole, badi bapingana, benda badila miadi.

Yirmeya 40:1

Nebuzaradane, mfumu wa bena mvita balami ba mukalenga, mumane kuanyisha bua Yirmeya umuka ku Rama, Maweja-Nangila kuyukila ne Yirmeya. Yirmeya musuike ne nkanu, uvua usomba munkatshi muabena Yerushalayime ne bena Yuda bavuabu bakuate bua kuya nabu mu Babilone. Muine muaba awu ke kuvua mfumu wa bena mvita balami mumushe Yirmeya ku tshisumbu tshia bantu bavuabu ne bua kuya nabu.

2 Korente 3:12

Tudi tuakula ne dikima dionsu, bualu tudi batekemene bia nanku.

Kolose 4:3

Nutulombele kabidi kudi Mvidi Mukulu, bua atupeshe mushindu muimpe wa kulongesha muaku wende, wa kumanyisha bantu bualu busokome bua Kristu. Bualu mbangele mpindiewu mu nzubu wa lukanu, amu bua bualu busokome abu.

Filemone 1:9

ndi musue amu kukusengelela, bua dinangangana dietu dimueneke patoke. Meme Polu nkadi mukulakaje. Ndi kabidi mu lukanu, bualu ndi muitabe Yezu Kristu.