Efeze 6:19 - MUKANDA WA MYIDI MUKULU

¹⁹ Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ ne bua bualu buanyi kabidi, bua meme kuheshibua mua kuakula hanabulula mukana muanyi ne bua meme kumanyisha bantu ne dikima bualu bua lumu luimpe busokoka.

Efeze 6:19 교차 참조

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Bienzedi 18:26

Kulongeshaye ne dikima mu nzubu wa kutendelela. Pavua Priskila ne Akuila bamumvua ulongesha, kuyabu nende kuabu. Kumumvuijabu malu a njila wa Mvidi Mukulu avuaye kayi muanji kumanya.

Bienzedi 19:8

Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija.

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Bienzedi 28:31

Uvua umanyisha malu a Bukalenga bua Mvidi Mukulu, ulongesha ne muoyi mukole, bidi bitangila Mfumu Yezu Kristu, kabayi bamukandika.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Bienzedi 4:29

Kadi mpindiewu, Mfumu, umvua mudibu batukanyina. Ambuluisha bantu bebe, bua bamanyishe muaku webe ne dikima dionsu.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

Bienzedi 9:27

Ke Barnabase kumuangata, kumufikisha kudi bapostolu. Kubalondelaye muvua Shawule mumone Mfumu mu njila, kabidi mutua Mfumu muyukile nende. Kubumvuijaye kabidi ne: Shawule mutulongeshe mu Damase ne dikima mu dina dia Yezu.

Bienzedi 9:29

Uvua uyukila kabidi ne bena Yuda bavua bakula tshiena ngreke, welangana nabu mpata. Kadi bantu abu bavua bakeba kumushipesha.

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

1 Korente 1:5

Bualu panudi badisange ne Kristu, nudi bapete mapa onsu, nangananga dipa dia kumanya malu onsu, ne dia kualongesha.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

1 Korente 4:1

Nudi ne bua kututangila bu bantu badi bakuatshila Kristu mudimu, badi ne bujitu bua kulongesha malu masokome a Mvidi Mukulu.

2 Korente 1:11

Bualu nuenu nudi nuambuluisha, panudi nnulombela kudiye. Padi bann bavule banlombela kudi Mvidi Mukulu, neabateleje. Nanku neanele lupemba. Diba adi bann ba bungi kabidi nebamuele tuasakidila.

2 Korente 3:12

Tudi tuakula ne dikima dionsu, bualu tudi batekemene bia nanku.

2 Korente 6:11

Bana hetu basuibue ba mu Korente, tuvua banuambile malu onsu patoke, banunzuluile muoyi wetu mujima.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

2 Korente 8:7

Nudi babanji mu bionsu: mu ditaba, mu dipa dia kuakula, mu dimanya dia malu, mu disuminyina dia mishindu yonsu, mu dinanga dinudi batunange nadi. Ke mutudi basue bua nudileje kabidi babanji mu dienza dia mudimu ewu wa kalolu.

Efeze 1:9

Bivuaye wipatshila bitshivua bisokome. Kadi mmutumanyishebi, mumane kujadika nkayende bua kubikumbaja mu Kristu.

Efeze 3:9

Ndi mua kuambuluisha bantu bonsu, bua bajingulule mudi meji masokome a Mvidi Mukulu mua kukumbana. Kuonsu eku Mvidi Mukulu, Mufuki wa bionsu, uvua musokoke meji ende.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Kolose 4:3

Nutulombele kabidi kudi Mvidi Mukulu, bua atupeshe mushindu muimpe wa kulongesha muaku wende, wa kumanyisha bantu bualu busokome bua Kristu. Bualu mbangele mpindiewu mu nzubu wa lukanu, amu bua bualu busokome abu.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

1 Tesalonike 5:25

Bana hetu, nutulombele ne tuetu kabidi kudi Mvidi Mukulu.

2 Tesalonike 3:1

Bana hetu, tulombelayi kudi Mvidi Mukulu, bua muaku wa Mfumu utante amu kutanta lubilu, bua bantu bawangate ne mushinga, bu munuvua nuenu benze.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Filemone 1:22

Undongoluele kabidi muaba wa kulala, bualu ndi mutekemene ne: Mvidi Mukulu neitabe malomba enu. Neampingaje kunudi.

Ebrewu 13:18

Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.