Efeze 6:17 - MUKANDA WA MYIDI MUKULU

¹⁷ Tshienu tshifulu tshinudi nuasa, ke dijadika dia ne: netupande. Muaku wa Mvidi Mukulu, ke muele wa mvita udi Mueyelu wa Tshijila unuteka mu bianza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nuangate tshifulu tshia luhandu, ne muele wa Nyuma udi dî dia Nzambi;

Efeze 6:17 교차 참조

2 Samuele 22:36

Maweja-Nangila, udi bu ngabu udi mundame, munsungidile. Udi witaba pandi ndila, umpe bukole buebe.

Yeshaya 49:2

Uvua muteke mukana muanyi muaku, uvua ufuanangana ne muele mutue. Udi undama, umbuikila ne tshianza tshiende. Udi mungenze mukete mutue, udiye usokoka mu tshibubu tshiende.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Osheya 6:5

Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Matayi 4:4

Yezu kuandamuna ne: — Mukanda wa tshijila udi wamba ne: “Muntu kena ne muoyi anu bua mampa nkayawu, kadi nangananga bua diyi dionsu didi Mvidi Mukulu wamba.”

Matayi 4:7

Yezu kumuandamuna ne: — Mukanda wa tshijila udi wamba kabidi ne: “Kutetshi Maweja-Nangila Mvidi Mukulu webe to.”

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Ebrewu 6:5

Bavua bamane kumvua ne: muaku wa Mvidi Mukulu udi mulenga, bamanye bukole bua malu atshidi kumpala.

Didimanyisha 1:16

Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 2:16

Nanku, udilengeje. Tshianana, nemfike kuudi amu mpindiewu. Nenduishe bantu aba ne muele udi upatuka mukana muanyi.

1 Samuele 17:5

Uvua muase tshifulu tshia tshiamu tshikunze ku mutu, muele bitata bia tshiamu tshikunze ku mikolu. Uvua muvuale kazaku ka tshiamu, kikale ne bujitu bua kilo makumi asambombu. Kuelaye difuma dia tshiamu tshikunze ku mukaba uvuaye muela ku diapa.

1 Samuele 17:58

Shawule kumukonka ne: — Muananyi, wewe udi muana wa nganyi? Davide kuandamuna ne: — Ndi muana wa muntu webe Ishayi, wa mu Betleyeme.