Efeze 6:12 - MUKANDA WA MYIDI MUKULU

¹² Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua diluangana dietu dia bibula kadiena dia kufuilangana ne munyinyi ne mashi, kadi ndia kufuilangana ne makelenge ne makokeshi ne banfumu ba midima ba buloba ebu, ne bisumbu bia nyuma mibi bidi mu miaba ya mu diulu.

Efeze 6:12 교차 참조

Yobe 2:2

Nanku Maweja-Nangila kumuebeja ne: — Udi utumina penyi? Mufundianganyi kuandamuna Maweja-Nangila ne: — Ndi mfumina ku diendakana pa buloba.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Marke 4:19

kadi disumpakana dia malu a panu, lukuka lua biuma ne majinga makuabu, bidi bibabuela munda, bikutakaja muaku, badi bapanga mua kukuama bimuma.

Luke 13:24

Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Luke 22:53

Matuku onsu mvua nenu mu nzubu wa Mvidi Mukulu. Kanuena bakebe kunkuata nansha. Kadi diba edi ndienu, didi miidima ileja bukole buayi.

Yowanane 12:31

Mpindiewu ke diba dialumbuluishabu bantu. Mpindiewu nebipate mfumu wa panuapa.

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

Yowanane 16:11

Badi batupakana bua mushindu udi Mvidi Mukulu ukosa nsambu, bualu mfumu wa bena panu bakadi bamane kumulumbuluisha.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 8:38

Bualu ndi mumane kujadika ne: nansha lufu, nansha muoyi, nansha batumibue ba Mvidi Mukulu, nansha mamfumu makuabu a mulu, nansha bidi bienzeka matuku aa, nansha biavua kuenzeka matuku adi kumpala,

1 Korente 15:50

Bana hetu, ndi njadika ne: bantu badi ne mubidi wa buntu, kabena mua kubuela mu bukalenga bua Mvidi Mukulu. Bidi bibola kabiena mua kupeta bidi bishala kashidi.

2 Korente 11:14

Katuena ne bua kukema nansha. Diabolu kabidi udi mua kudisokoka, kudileja ne bukenke bu mutumibue wa Mvidi Mukulu.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Ngalate 1:16

Diba divuaye musue kutumanyisha Muanende, bua meme kumanyisha bantu ba bisamba bikuabu Lumu luende lua Disanka, tshivua muye kulomba meji kudi muntu.

Efeze 1:21

Muamua Kristu udi ku mutu kua makole onsu adi kaayi amueneka, kabidi ku mutu kua mamfumu onsu mashilangane. Nansha lelu, nansha matuku adi kumpala, kakuena bumfumu nansha bumue budi kabuyi ku diyi diende.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

2 Timote 2:5

Muntu udi ubuela mu manaya a kunyema lubilu, udi mua kupeta nsala wa lumu, amu padiye ukumbaja mikenji ya manaya.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Ebrewu 12:4

Bualu nudi nuluisha mibi, kadi kanuena banji kuluangana too ne ku lufu.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.