Efeze 5:28 - MUKANDA WA MYIDI MUKULU

²⁸ Nanku balume badi ne bua kunanga bakaji babu, bu mudibu bananga mubidi wabu. Muntu udi munange mukajende, mmudinange yeye mene.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nunku budi balume nʼabu mbua kusua bakashi babo mene bu mudibo basue mibidi yabo. Muntu udi unanga mukashi wandi udi udinanga;

Efeze 5:28 교차 참조

Matayi 19:5

Pashishe Mufuki kuamba ne: “Ke mudi mulume ushiya tatuende ne mamuende, bua balamatangane ne mukajende. Nanku bonsu babidi nebenze muntu umue.”

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Efeze 5:29

Bualu muntu kena mua kukina mubidi wende. Kadi udi uudisha, uulama bimpe. Ke mudi Kristu wenzela Tshisumbu tshia bena ditaba,

Efeze 5:31

Mukanda wa tshijila udi wamba ne: “Ke mudi mulume ne bua kushiya tatuende ne mamuende, bua kulamata mukajende. Bubidi buabu nebenze tshintu tshimue.”

Efeze 5:33

Kadi budi bunutangila ne nuenu kabidi. Nanku mulume yonsu anange mukajende bu mudiye mudinange. Mukaji yonsu anemeke bayende.

1 Petro 3:7

Nuenu kabidi, balume, nusombe bimpe ne bakaji benu. Numanye ne: badi ne butekete. Nanku nubanemeke, bualu nebapete nenu dipa dia muoyi kudi Mvidi Mukulu. Nuenze nanku bua tshintu nansha tshimue katshieledi ditendelela dienu nkila.