Efeze 5:23 - MUKANDA WA MYIDI MUKULU

²³ Bualu mulume udi mfumu wa mukajende, mudi Kristu Mfumu wa Tshisumbu tshia bena ditaba. Kristu udi Musungidi wa Tshisumbu etshi, tshidi mubidi wende.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua mulume udi ku mutu kua mukashi bu mudi Kilisto ku mutu kua ekelesia, yeye musungidi wa ekelesia, mubidi wandi mene.

Efeze 5:23 교차 참조

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

1 Korente 6:13

Nudi nuamba kabidi ne: “Biakudia bidiku bua tshibi. Tshiotshi tshidiku bua biakudia.” Eyowa, kadi Mvidi Mukulu neabutule bionsu bibidi. Nanku mubidi kawena muenzela malu a bundu. Udi muenzela Mfumu. Yeye udi Mfumu wa mubidi wetu kabidi.

Efeze 4:15

Kadi patudi bimane ne makasa abidi mu malu malelela, tunangangane kabidi, netutante bonsu, tuye kudi Kristu, mutu wetu.

Efeze 5:24

Nanku bakaji batumikile babayabu mu malu onsu, anu bu mudi Tshisumbu tshia bena ditaba tshitumikila Kristu.

Kolose 1:18

Tshisumbu tshia bena ditaba tshidi mubidi, Yeye udi mutu watshi. Kudiye ke kudi muoyi mupiamupia wa mubidi awu utuadija. Bualu Yeye ke Muanabute, wa kumpala muabu babishe ku bafue, bua kuikalaye wa kumpala mu bionsu.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

Didimanyisha 19:7

Tutuayi tshianga, tusankayi, tumutumbishayi! Bualu tshibilu tshia dibaka dia Muana wa mukoku ntshimane kukumbana. Mukajende kabidi mmumane kudilongolola.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.