Efeze 5:20 - MUKANDA WA MYIDI MUKULU

²⁰ Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Efeze 5:20 교차 참조

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Misambu 34:1

Musambu wa mu mukanda wa misambu ya Davide muimbe pavuaye mudienze bu mupale kumpala kua Abimeleke, Abimeleke kumuipata mu lubanza luende lua bukalenga.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Rome 1:8

Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

1 Korente 1:4

Ndi ngela amu kuela Mvidi Mukulu wanyi tuasakidila bualu buenu, bualu mmunupe mu Yezu Kristu mudiye ununanga.

1 Korente 15:24

Pashishe nshikidilu udi ufika. Kristu neapite makalenga, mamfumu ne makole onsu a panu ku bukole. Neapeshe Mvidi Mukulu Tatuende Bukalenga.

Efeze 5:4

Buakulavi, miaku ya bupale, nansha bilele bibi, kabiumvuiki kunudi. Mukana muenu mupatuke amu miaku ya kuela nayi Mvidi Mukulu tuasakidila.

Filipe 1:3

Ndi ngela Mvidi Mukulu wanyi tuasakidila misangu yonsu indi nnuvuluka.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Tesalonike 3:9

Disanka dionsu dinudi nutusankisha nadi kumpala kua Mvidi Mukulu wetu, katuena ne miaku mikumbane ya kumuela nayi tuasakidila.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

2 Tesalonike 2:13

Bana hetu, tudi ne bua kuela Mvidi Mukulu tuasakidila, katuyi tupungila, bualu buenu nuenu, badi Mfumu munange. Bualu Mvidi Mukulu mmunusungule, bua nuikale ba kumpala, badi Mueyelu wa Tshijila usungidila. Bualu Mueyelu udi unuenza bantu ba Mvidi Mukulu. Nuenu kabidi nudi nuitaba bulelela.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.