Efeze 5:18 - MUKANDA WA MYIDI MUKULU

¹⁸ Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

Efeze 5:18 교차 참조

Genese 9:21

Nowa uvua munue maluvu mukuatshike. Kulalaye mu nzubu muende butaka.

Misambu 69:12

Mvua muvuale bilamba bia madilu, bobu kunsaka mu misambu.

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

Musambu wa Solomo 7:9

Ke meme kuamba ne: “Ndi mbanda kulu, ntungule ngaji!” Mabele ebe adi bu bisumbu bia tumuma tua mvinyo. Mupuya webe udi ne dipembu dimpe bu dia bimuma bisheme.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Yeshaya 5:22

Bantu bonsu badi bilobu amu bua kukuatshika maluvu, badi ne bukitu amu bua kusambakaja mala, mbena diakabi!

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Lewitiki 10:9

— Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

Matayi 23:25

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nusukula panyima pa dikopu ne pa dilonga. Kadi munda muabi mudi amu biakudia binuvua bibe, nansha bapete ku lukuka.

Matayi 24:49

Nanku neatuadije kuluisha bena mudimu nende. Neadie, anue, pamue ne bakuatshiki ba maluvu.

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Luke 12:45

Kadi pikala muena mudimu awu wamba mundamunda muende ne: “Mfumuanyi kakupingana lukasa to,” utuadija kutuuta bena mudimu nende balume ne bakaji, udia, unua ukuatshika,

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Yowanane 2:10

Kumuambilaye ne: — Bantu bonsu badi banji kufila nwinyo muimpe kumpala. Padi bantu badibu babikila bamane kunua bikole, ke kushishabu kubapesha nwinyo wa nanku nanku. Kadi wewe kulama nwinyo muimpe too ne mpindiewu!

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

1 Korente 11:21

Bualu diakamue panudi nusomba ku mesa, muntu yonsu udi udia lukasalukasa bidiye mufike nabi, mushindu udi bamue bashala ne nzala, banga bakuatshika maluvu.

1 Korente 5:11

Mvua musue kunuambila ne: kanubuelakanyi ne muntu udi udiamba ne: ndi ndonda Kristu, kadi muikale muenji wa malu a bundu, muena lukuka lua biuma, mutendeledi wa mvidie, munyangi walumu lua bende, mukuatshiki wa maluvu, nansha muivi. Nansha bua kudia ne muntu wa nanku, kanudi nende to.

1 Korente 6:10

bivi, bena lukuka lua biuma, bakuatshiki ba maluvu, banyangi ba lumu lua bende, ne bantu badi banyenga bantu bintu ku bukole, kabakupeta muaba mu Bukalenga bua Mvidi Mukulu.

Dielulula 21:20

Pafikabu nende, nebambile bakulu abu ne: “Muanetu ewu mmututombokele. Udi utupepeja, kena utumvuila to. Mmusue amu kuenza malu mabi ne kunua maluvu.”

1 Tesalonike 5:7

Bualu bantu badi balala tulu butuku, bakuatshika maluvu butuku.

Tite 1:6

Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.