Efeze 5:17 - MUKANDA WA MYIDI MUKULU

¹⁷ Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku kanuikadi bu bahote, kadi nujingulule mudi disua dia Mukelenge.

Efeze 5:17 교차 참조

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 119:27

Ungumvuije tshidi mikenji yebe yamba, ngelangane meji ku malu ebe a dikema.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Nsumuinu 2:5

Enza nanku, bua ulonge muudi mua kunemeka Maweja-Nangila, kumanya bumfumu budi Mvidi Mukulu nabu.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Efeze 5:15

Kanuenji malu bu bantu batatakane. Nuikale bantu ba meji.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Kolose 4:5

Badi kabayi bena ditaba, sombayi nabu bimpe. Kanujimiji diba patupu.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.