Efeze 5:10 - MUKANDA WA MYIDI MUKULU

¹⁰ Nuenze muenu muonsu bua kujingulula bidi bisankisha Mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ nutete budi Mukelenge muanyishe.

Efeze 5:10 교차 참조

Misambu 19:14

Ungepule ku ditambisha, bua kadivu kumpita bukole. Nanku nengikale tshiyi kalema, tshiyi muena tshibawu.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

1 Tesalonike 5:21

Kadi kenketayi malu onsu, nulame adi mimpe.

1 Timote 2:3

Bia nanku ke bidi bimpe, bisankisha Mvidi Mukulu, Musungidi wetu,

1 Timote 5:4

Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

1 Petro 2:20

Kadi paudi umvua ne lutuulu mituutu idibu bakutuuta, bualu uvua muenze bibi, udi mua kupeta lumu anyi? Nanku paudi ukenga, ulama lutuulu, bualu uvua muenze bimpe, Mvidi Mukulu neakuele lupemba.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Samuele 17:39

Davide kuasa kabidi muela wa Shawule ku mikaba, mutenteka pa kazaku ka tshiamu. Pashishe kuidikijaye mua kuenda ne bintu abi, kupanga. Bualu kabawa bamulongesha mua kuenda nabi to. Ke Davide kuamba ne: tshiena mua kuenda ne bintu ebi, bualu tshiena muibidile nabi. Nanku kubikopolaye.