Efeze 4:32 - MUKANDA WA MYIDI MUKULU

³² Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

³² nuleshangane kalolo, nuikalangane ne mitshima ya luse, nulekelangane malu mabi enu bu muakanulekelela Nzambi malu mabi enu mu Kilisto.

Efeze 4:32 교차 참조

2 Samuele 7:21

Bu muuvua mumane kulaya, kabidi bu muudi munnange, wewe kukumbaja bionsu biuvua muambe. Wewe kubingambila!

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Misambu 145:9

Maweja-Nangila udi musue bantu bonsu, udi munange bonsu badiye mufuke.

Nsumuinu 12:10

Muntu muakane mmumanye nansha tshidi bimuna biende bikengela. Muntu mubi udi nabi ne tshikisu.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.

Nsumuinu 19:22

Bantu badi bananga muntu wa nsongu udi ne muoyi wa kalolu. Mbimpe kuikala mupele pa mutu pa kuikala muena dishima.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

Yirmeya 38:12

Pashishe, Ebede-Meleke muena Kushe, kuambila Yirmeya ne: — Ubueje mikusu ya bilamba eyi mu mapa, ne mionji muinshi mua mikusu. Yirmeya mumane kuenza nanku,

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Marke 11:25

Ne panudi bimane kulu bua kutendelela, panudi bajilangana ne muntu kampanda, numutuile luse, bua Tatu wenu udi mu diulu anulekele mibi yenu kabidi. [

Luke 1:78

Bualu Mvidi Mukulu wetu udi wa luse ne wa muoyi mulenga. Neatutumine butoke bua mulu, bufuanangane ne diba didi dipatuka.

Luke 11:4

Utulekele bilema bietu, mutudi balekele bonsu bavua batuenzela bibi. Kuanyishi bua batutete, tukuvile.”

Luke 17:4

Nansha yeye mukuenzele bibi misangu muanda mutekete ku dituku, upingana kuudi, ukuambila ne: “Ndi nnyingalala bua bindi mukuenzele,” wamumvuila amu luse.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Luke 6:37

“Kanutangidi bantu bakuabu bu bantu babi, bua Mvidi Mukulu kanutangidi nuenu kabidi nanku. Kanudiwulu bakuabu, bua Mvidi Mukulu kanudiwulu nuenu kabidi. Nu-mvuilangane luse, nanku Mvidi Mukulu neanumvuile kabidi luse.

Bienzedi 28:2

Bena tshidila kubakidila bimpe bitambe. Muvua mashika makole, bualu mvula uvua uloka wa bungi. Nanku kutemeshabu kapia, tuetu kusemena bonsu bua kuota.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

1 Korente 13:4

Udi unanga udi ne lutuulu, udi ne muoyi wa kalolu, kena ne lubabu, kena uditemba, kena uditambisha.

2 Korente 2:10

Panudi nufuila muntu luse bua tshilema tshivuaye muenze, meme kabidi ndi mmufuila luse. Bualu pandi mfuila muntu luse — pandi ne tshilumbu tshia kufuila muntu luse — ndi mmufuila bualu buenu kumpala kua Kristu.

2 Korente 2:7

Kadi mpindiewu, nudi ne bua kumufuila luse, kumukolesha ku muoyi, bua kumuepula ku kanyinganyinga kakole kapite, kadi mua kumutekesha mu mikolu kashidi.

2 Korente 6:6

Tudi tuleja mutudi tukuatshila Mvidi Mukulu mudimu, bualu munda muetu kamuena meji mabi. Tudi tukuatshila Mvidi Mukulu mudimu ku meji mimpe atudi nawu munda, ku dimanya dituvua bapete, ku lutuulu, ku muoyi wa kalolu, ku mapa atuvua bapete kudi Mueyelu wa Tshijila, ku dinanga dilelela ditudi tuleja bantu,

Efeze 5:1

Nudi bana badi Mvidi Mukulu munange. Nanku nudibambe bua kuikala bu Yeye.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

2 Petro 1:7

ku dinemeka Mvidi Mukulu diumvuangana dia buena muntu, ku diumvuangana dia buena muntu dinanga.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

1 Yone 2:12

Bana banyi, ndi nnufundila, bualu mbanujimijile mibi yenu mu dina dia Kristu.

Rute 2:20

Nowemi umvua nanku, kuambila Rute ne: — Maweja-Nangila mukumbaji wa malaya ende amusankishe. Mmuwluke bonsu bafuile, ne batshidi ne muoyi. Bowaze mbayebe tshina menemene, udi ne bua kutuambuluisha bilondeshile mikenji.