Efeze 4:31 - MUKANDA WA MYIDI MUKULU

³¹ Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Difika dia munda ne tshishi ne lukuna ne diyoyo ne dihendangana ne lukinu luonso biumushibue kunudi;

Efeze 4:31 교차 참조

Genese 27:41

Esawu kufika munda bikole bua lupemba luvua Yakobe mumunyenge. Kuambaye ne: “Tatu mumane kufua, tuetu batangalaje madilu ende, nenshipe muakunyanyi Yakobe.”

Genese 37:21

Rubene umvua nanku, kukebaye muyilaye mua kupandisha Yozefe. Kuambilaye bana babu ne: — Katumushipi to.

Genese 37:4

Bana babu bamone muvua tatuabu mutambe kunanga Yozefe, kujilabu muanabu, kabayi mua kuyukila nende kakuyi matandu.

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

2 Samuele 13:22

Bu muvua Amnone mubuelele muakunyende Tamare mu nzubu ku bukole, Absalome kumujila, kumukina bikole bipite.

2 Samuele 19:27

Mefibaale kuandamuna ne: — Mukalenga, muena mudimu wanyi ke uvua munshime! Meme mvua muambe ne: “Bu mundi tshiyi ngenda bimpe, ndi musue kusuika biseba bia kusomba pa nyama wanyi wa mpunde, mbande pa nyama, bua tuye ne mukalenga Davide.”

2 Samuele 19:43

Bena Yuda kuandamuna ne: — Mukalenga Davide mmulele wetu menemene! Kabiyi bu bienu to. Kadi nudi nufika munda bua bualu ebu bua tshinyi? Mukalenga Davide ke udi utudisha anyi? Tshidiye mutupeshe ntshinyi?

Misambu 101:5

Nempuwishe bantu badi bajana bakuabu mu musokoku. Tshiena mua kubuikidila bantu badi bapetula bakuabu, ne badi baditambisha.

Misambu 140:11

Makala a kapia abaponene pambidi. Mvidi Mukulu abashidishe mu kapia, kabamonyi mua kupatukamu!

Misambu 15:3

Kena unyangila bakuende lumu, kena wenzela balunda bende bibi, kena upenda muena mutumba.

Misambu 37:8

Kufiki munda, kubinduluki, kubabi badi benza bibi, bualu bidi mua kukulamata!

Misambu 50:20

Udi ufunda muanenu ku tshilumbu, unyanga lumu lua muana wa mamuebe.

Misambu 64:3

Bantu babi mbadisange bua kunduisha, mbangelele bifufu bibi.

Nsumuinu 10:12

Lukinu ludi lujuula matandu, kadi dinanga didi dijibikila bilema.

Nsumuinu 10:18

Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 18:8

Miaku ya muena lunsonga idi bu bintu bisheme bidi bantu bafuilakana.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 25:23

Lupepele lua ku mutu kua ditunga ludi lufuma ne mvula. Ke mudi biambamba bijula tshiji tshia bantu ba bungi.

Nsumuinu 26:20

Padi nkunyi kayiyi kuiku, kapia kadi kajima. Padi muena mukosu mumane kumbuka matandu adi ajika.

Nsumuinu 29:22

Muntu wa tshiji udi ujuula matandu. Udi ubinduluka lukasa lukasa udi uvudija bilema biende.

Nsumuinu 29:9

Padi muntu wa meji ku tshilumbu ne muntu mutshimbakane, mutshimbakane awu mufike munda nansha museke, muntu wa meji kena upeta dikisha to.

Nsumuinu 6:19

muntu udi ujadika malu a dishima. Kadi kudi kabidi bualu bua muanda mutekete: ke muntu udi usongakaja bena muntu.

Muambi 7:9

Kufiki munda lukasa, bualu tshiji mmudimu wa bantu bapote.

Yirmeya 6:28

Bena Izrayele bonsu mbatomboke bikole. Bonsu mbena dishima. Badi ne muoyi mupape bu tshiamu tshikunze nansha tshifike. Bonsu mbena buenzavi.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Bienzedi 21:30

Tshimvundu kutampakana mu tshimenga tshijima. Bantu bonsu kukungila ku nzubu wa Mvidi Mukulu. Kukuatabu Polu, bamupulumuna, bamupatula mu nzubu. Diakamue kukangabu biibi.

Rome 3:14

Mukana muabu mmuwule ne mitshipu, kabidi ne miaku mibi.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Efeze 4:25

Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Kolose 3:19

Nuenu balume, nangayi bakaji benu. Kanubaleji mpala mubi.

Kolose 3:8

Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

1 Timote 3:11

Bakaji babu kabidi badi ne bua kudinemeka. Kabikadi bena bijanu. Bamanye mua kudilama. Bikale bantu ba diyi dimue mu malu onsu.

1 Timote 3:3

Kikadi munuavi, nansha musue mvita. Kadi ikale muena bupole, muntu wa disanka, kayi mutshima wa biuma.

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 3:3

Nebikale bantu ba malu makole, kabayi ne luse. Nebikale bena bijanu, bena tshikisu, bena lonji, baluishi ba bantu badi benza bimpe.

Tite 1:7

Bualu mulombodi wa Tshisumbu tshia bena ditaba udi wenzela Mvidi Mukulu mudimu. Nanku bantu kabena mua kuikala ne mushindu wa kumudiwula ku bualu nansha bumue. Kaditembi muanzu wende. Kafiki munda lukasalukasa, kikadi munuavi, muena tshikisu, nansha muena mutshima udi ukeba kupeta biuma mu njila mubi.

Tite 2:3

Longesha kabidi bakaji bakulumpe bua benze malu makanyine bantu ba tshijila, kabayi bena bijanu, kabayi basombela amu maluvu. Balongeshe kabidi bakuabu amu malu adi mimpe.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.

Didimanyisha 12:10

Ke meme kumvua diyi dikole mu diulu diamba ne: “Tshikondu tshidi Mvidi Mukulu usungidila bantu tshiafiki mpindiewu! Mvidi Mukulu wetu mmuleje bukole buende, mmutuadije bukalenga buende mpindiewu! Udi muteke bumfumu buende mu bianza bia Meshiya wende uvuaye mudisunguile. Bualu mbipate mu diulu musonguedi wa bana hetu, uvua ubasonguela kudi Mvidi Mukulu munya ne butuku.