Efeze 4:29 - MUKANDA WA MYIDI MUKULU

²⁹ Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Dî dibi kadihatuki mukana muenu; kadi ambai anu mei mimpe adi mua kudiundisha bantu bua kuvuidishila bantu badi baunvua disanka.

Efeze 4:29 교차 참조

Misambu 45:2

Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Misambu 5:9

Maweja-Nangila, undudike bua nkumbaje tshiudi musue. Bualu baluishi badi bankengesha. Undeje njila uudi mundongoluele.

Misambu 52:2

Mmusake diba divua Dowege, muena Edome, mumanyishe Shawule muvua Davide munyeme kua Abimeleke.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Nsumuinu 12:13

Muntu mubi badi bamukuata mu buteyi amu ku miaku yende ya dishima. Kadi muntu muakane udi upanduka ku dikenga dionsu.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Muambi 10:12

Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Yowanane 1:37

Balongi babidi ba Yowanane bumvua muvuaye muambe amu, kulondabu Yezu.

Rome 14:19

Nanku tukebayi bidi mua kufila ditalala, bidi mua kutushindamija pamue mu ditaba.

Rome 15:2

Kadi yonsu wa kutudi akebe mua kusankisha muntu nende, amuenzele malu mimpe, bua kumukolesha mu ditaba.

1 Korente 14:19

Kadi padi bena ditaba badisanga pamue, ndi musue kuakula miaku itanu idi yumvuika, bua kulongesha bakuabu, pamutu pa kuakula miaku binunu ne binunu mu miakulu idi bantu kabayi mua kumvua.

Efeze 4:12

Uvua muenze nanku bua kulongolola bantu ba Mvidi Mukulu, bua bakuatshile Kristu mudimu, bua mubidi wa Kristu utante mu ditaba.

Efeze 4:16

Yeye nkayende ke udi utuangaja bikole bitupa bishilangane bia mubidi, ubisuikakaja ne manungu. Nanku padi tshitupa tshionsu tshia mubidi tshikuata mudimu amu pa wowu, mubidi mujima udi utanta, ukola mu dinanga.

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.

1 Tesalonike 5:11

Nanku nukoleshangane ku muoyi, nuambuluishangane, anu munukadi nuenza amu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 3:1

Nuenu kabidi bakaji, nutumikile babayenu. Nanku bamue ba kudibu badi kabayi bitaba muaku wa Mvidi Mukulu, badi mua kufika ku ditaba, pamonabu binudi nuenza. Nansha kanuyi nuamba bualu,

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.