Efeze 4:14 - MUKANDA WA MYIDI MUKULU

¹⁴ Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakenza nunku bua tuetu katuikadi bu bana kabidi badi batshikishibua eku ne eku ne badi batambakashibua ku luhehele luonso lua diyisha, ku majimbu a bantu, ku budimu budibo balonda mu mashimi abo;

Efeze 4:14 교차 참조

Misambu 10:9

Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Misambu 59:3

Ungumushe mu bianza bia badi bankebela diakabi, unsungidile kudi bashipianganyi aba.

Yeshaya 28:9

Badi baseka, bakonka ne: “Yeshaya ewu, udiye musue kulongesha nnganyi? Udiye musue kumvuija bidibu bamuleja nnganyi? Tudi bana ba mu tshiadi badibu balekesha dibele amu mpindiewu anyi?

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Matayi 11:7

Balongi ba Yowanane bamane kumuka, Yezu kukonka bantu bua Yowanane ne: — Mu tshipela nuvua baye kumona tshinyi? Nuvua bamone lushiba ludibu banyungisha kudi lupepele anyi? Nansha kakese!

Matayi 24:11

Bambi ba dishima ba bungi nebamueneke. Nebadinge bantu bavule.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Bienzedi 23:21

Kadi kubitabi to! Bualu bantu bapite pa makumi anayi bayaya kuadila Polu mu njila bua kumukuata. mBaditshipe ne: katuena tudia, katuena tunua, amu tuetu bamushipe. Mpindiewu mbamane kudilongolola, bindile amu bua umutume mu Tshipangu.

1 Korente 12:2

Nudi bamanye ne: diba dinuvua kanuyi banji kuitaba Mvidi Mukulu, bavua banusaka, bua nutendelele mvidie ya patupu, kanuyi mua kutua nkanana.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Korente 3:19

Bualu meji a panu adi bupale kumpala kua Mvidi Mukulu. Ke mudi Mukanda wa tshijila wamba ne: “Mvidi Mukulu udi ukuata bena meji mu buteyi bua budimu buabu.”

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

Ngalate 3:1

Nuenu bena Ngalate, nudi bantu batatakane! Uvua munulowe nnganyi? Tshivua munuleje patoke Yezu Kristu, uvuabu bapopele pa mutshi mutshiamakane anyi?

Efeze 6:11

Ambulayi bia mvita bionsu bidi Mvidi Mukulu unupa, bua numone mua kutuila diabolu, udi unuluisha ne budimu, nkanana.

1 Timote 3:6

Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Yakobe 1:6

Kadi aalombe ne ditaba, kayi wela mpata. Bualu muntu udi wela mpata mmufuanangane ne mavuala a mayi manene adi lupepele lujula, lutuma eku ne eku.

Yakobe 3:4

Tuele meji kabidi ku majuwa: nansha wowu mapite bunene, nansha lupepele lukole luasaka, tshiamu tshikese tshidi tshialudika, bua aye konsu kudi muendeshi musue.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

1 Yone 2:26

Ndi nnufundila malu aa, bua nudimukile bantu badi bakeba kunupambula mu njila.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Yuda 1:12

Padibu nenu ku mesa bua didia dienu bonsu pamue, badi banufuisha bundu, bualu badi basukumina biakudia. Badi bu balami ba nyama badi badivuluka amu bobu nkayabu. Badi bu mavuba masaka kudi lupepele, adi kaayi alokesha mvula. Badi bu mitshi idi kayiyi ikuama bimuma, nansha tshikondo tshiabi tshimane kufika. Badi bu mitshi mifue misangu ibidi, matamba ayi mamane kuuma, mbajule ne miji yayi kabidi.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.