Efeze 3:5 - MUKANDA WA MYIDI MUKULU

⁵ Bualu busokome ebu, Mvidi Mukulu kavua mubumanyishe bantu ba bikondu bia kale to. Kadi mpindiewu kudi Mueyelu wende mmubumanyishe patoke bapostolu ba tshijila, ne bambi bende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ kabuakadi bumanyishibua bukua bantu mu bikondo bikuabo, kadi katataka buakabuluidibua bapostolo bandi ba tshijila ne baprofete mu Nyuma Muimpe;

Efeze 3:5 교차 참조

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Matayi 13:17

Ndi nnujadikila bulelela ne: bambi ne bantu ba Mvidi Mukulu ba bungi bavua bajinga kumona binudi numona ebi, kadi kabavua babimona to. Bavua bajinga kumvua binudi numvua ebi, kadi kabavua babiumvua to.

Matayi 20:7

Bobu kumuandamuna ne: “Bualu muntu ki mmutuangate ku mudimu to.” Ke yeye kubambila ne: “Nanku nuenu kabidi nuye kukuata mudimu mu budimi buanyi bua nwinyo.”

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Luke 10:24

Bualu ndi nnujadikila ne: Bambi ba bungi ne bakalenga ba matunga bavua bajinga kumona binudi numona, kadi kabavua babimone nansha. Bavua bajinga kabidi kumvua binudi numvua, kadi kabavua babiumvue nansha.

Luke 11:49

Ke muvua Mvidi Mukulu mudianze kuamba ne: “Nembatumine bambi ne bapostolu. Nebashipe bamue ba kudibu, bakengesha bakuabu.”

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 16:13

Padi Mueyelu wa bulelela ufika, neunulombole mu malu malelela onsu. Kawena wamba malu ne bumfumu buawu nkayawu to. Kadi neunuambile bionsu bivuawu mumvue. Neunumanyishe bidi ne bua kuenzeka.

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

1 Korente 2:10

KadiMvidi Mukulu mmutusokoluele tuetu bualu busokome ebu ku bukole bua Mueyelu wa Tshijila. Bualu Mueyelu udi mua kujingulula bionsu, nansha meji masokome menemene adi Mvidi Mukulu wela.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Efeze 3:9

Ndi mua kuambuluisha bantu bonsu, bua bajingulule mudi meji masokome a Mvidi Mukulu mua kukumbana. Kuonsu eku Mvidi Mukulu, Mufuki wa bionsu, uvua musokoke meji ende.

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

Yuda 1:17

Kadi nuenu, hetu basuibue, nuvuluke bivua bapostolu ba Mfumu wetu Yezu Kristu banumanyishe kale.