Efeze 3:20 - MUKANDA WA MYIDI MUKULU

²⁰ Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kudi Nzambi, udi ne bukole bua kuenza malu matambe atudi katui bamanye mua kumulomba ne mua kuelangana meshi, bu mudi bukole budi butusonsola munda muetu,

Efeze 3:20 교차 참조

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 18:4

Banupeshe mayi, nowe ku makasa, nuikishe kuinshi kua mutshi ewu.

2 Samuele 7:19

Kadi wewe Maweja-Nangila, udi mumone ne: bionsu biudi mutuenzele kabiena bianji kukumbana. Nanku, utshidi anu ulaya bena nzubu wanyi, bua kubenzela bimpe. Kabidi udi ummanyisha bionsu ebi, meme muntu patupu.

1 Bakalenga 3:13

Ndi musue kukupa kabidi bubanji ne butumbi, biudi kuyi mulombe to. Matuku onsu autshidi ne muoyi, newikale ne butumbi, mupite bakalenga bonsu.

2 Kulondolola 25:9

Amashiya kukonka muambi ne: — Makuta amvua mupe bena mvita aa neaye penyi? Muambi kuandamuna ne: — Maweja-Nangila udi ne bukole bua kukupesha makuta makuabu mapite bungi.

2 Kulondolola 9:12

Nanku, mukalenga Shelomu kupesha mukalenga mukaji wa ku Saba, bintu bionsu bivuaye ukengela ne bivuaye mulombe. Mukalenga Shelomu kumupesha bintu bipite bungi, bipite bivua mukalenga mukaji awu mumutuadile. Pashishe, mukalenga mukaji, ne bena mudimu bende bavuaye nabu, kupingana mu ditunga diabu.

Ekesode 34:6

Pashishe, kupitaye kumpala kua Moshe wamba kabidi ne: “Ndi Maweja-Nangila Mvidi Mukulu wa luse ne dinanga, ndi ne lutulu luvule, ndi nkumbaja bionsu bindi ndaya bantu, tshiena mfika munda lukasa.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 35:2

bilenga bu kapapankole! Eyowa, ditunga dimeneshe bilongu, disangale, diele mbila ya disanka! Maweja-Nangila neadipeshe buimpe bua mikuna ya Lebanone, bulenga bua mukuna wa Karmele, ne bua mpata wa Sarone. Nenku bantu bonsu nebamone butumbi bua Maweja-Nangila, buneme bua Mvidi Mukulu wetu.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Yirmeya 32:27

— Meme Maweja-Nangila Mvidi Mukulu wa bantu bonsu badi pa buloba, ndi mua kuenza bionsu bindi musue.

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Danyele 6:20

Patshiatshia, pakavua panshi patoke, mukalenga wa bakalenga kujuka, kuya lukasa ku buina bua nyama ya ntambue.

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Rome 4:21

Uvua mujadike menemene ne: Mvidi Mukulu udi ne bukole bua kukumbaja bivuaye mulaye.

1 Korente 2:9

Mukanda wa tshijila udi wamba ne: “Bidi muntu nansha umue kayi muanji kumona nansha kumvua, bidi kabiyi bianji kubuela mu meji a muntu, ke bidi Mvidi Mukulu mulongoluele badiye unanga.”

2 Korente 9:8

Mvidi Mukulu udi ne bukole bua kunuvudijila bintu bilenga bia mishindu yonsu, bua nupete matuku onsu bionsu binudi nukengela, nushale ne bikuabu bipite bungi bua kuambuluisha nabi bakuabu.

Efeze 1:19

Nenumanye kabidi bukole busunguluke budiye utuambuluisha nabu, tuetu badi bamuitaba. Bobu mene ke buvuaye muleje muende muonsu,

Efeze 3:7

Ndi nkuata mudimu bua kutantshisha Lumu lua Disanka, anu ku luse lua Mvidi Mukulu patupu, ne ku bukole budiye mumpeshe.

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

1 Timote 1:14

Nanku Mfumu wetu kunnanga ne dinanga dipite bunene. Kumpeshaye ditaba ne dinanga, bitudi tupeta patudi tudisanga ne Yezu Kristu.

Ebrewu 11:19

Abrahame uvua wela meji ne: Mvidi Mukulu udi ne bukole bua kubisha Izake ku lufu. Ke muvua Abrahame mupete tshiakabidi Izake bu muntu mubike ku bafue.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Yakobe 4:12

Amu Mvidi Mukulu nkayende udi wela mikenji; amu Yeye ke udi mua kulumbuluisha. Yeye nkayende udi mua kuhingisha, nansha kupisha. Wewe mene udi upisha muanenu, udi nganyi?

2 Petro 1:11

Ke munudi mua kubuela mu Bukalenga bua kashidi bua Mfumu wetu ne Musungidi Yezu Kristu.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.